– Shynymdy aıtsam, óz basym «Astanaǵa» qarsylas bolǵanymyzǵa qýanǵan edim. Alaıda, 0:1 esebimen jeńilgenimiz azdap qıyndaý boldy. Biraq erteńgi oıynda bári basqasha bolady degen oıdamyn. Biz qorǵanysqa ǵana kóńil bólip, óz múmkindigimizdi kútpeımiz. О́zimizdiń qurǵan josparymyz da bar. Sonymen qatar, matchqa 10 myńǵa jýyq jankúıer keledi dep estidim. Bul jerde orynsyz bolsa da bir suraq qoıǵym keledi. Ne sebepti otyz myń jankúıer syıatyn stadıonǵa az-aq adam kelip kórermen bolmaq? Árıne, biz Ispanııanyń «Atletıkosy» emespiz (kúldi). Biraq kóbirek adam keledi dep úmittenemiz.
– Alǵashqy matchtan keıin birqatar aqparat quraldary sizdi jaqyn arada Belarýstiń «Shahter» komandasyna aýysady degen málimet taratty. Osy týraly qandaı pikir bildiresiz?
– Bul jerde birnárseni aıta ketkim keledi. Fýtbolda jyldam sheshim qabyldaý qajet kezder bolyp turady. Bolashaqta Belarýste jumys isteımin degen oıǵa toqtaldym. Ázirge «Spartaktamyn», komandamnyń jeńiske jetýi úshin barymdy salamyn. Ujymdaǵy sońǵy oıyndarymnyń biri bolǵandyqtan «Astanany» jeńý men úshin mańyzdyraq.
– Demek, bul sizdiń «Spartaktaǵy» sońǵy oıynyńyz ǵoı?
– Bylaı deıin, «Shahtermen» kelisim jasamas buryn «Spartakpen» birge Varshavaǵa baramyn dep kelisemin (kúldi).
– Alǵashqy match aldynda Patrık Tvýmasıdi, Ivan Maevskııdi erekshe atap óttińiz. Al oıynnan keıin kimder sizge unady?
– Árıne, «Astanada» bilikti oıynshylar jeterlik. Jartylaı qorǵaýshylardan bólek, Kabananganyń oıyny unady. Onyń áleýeti joǵary.
– Qazaqstandyq jankúıerler «Astanany» syrt alańda iri eseppen jeńedi dep oılaǵan. Al siz úshin 0:1 bolyp utylý qanshalyqty qıynǵa soqty?
– Biz gol jibermegenimizde sol qazirgiden jaqsyraq nátıje bolar edi. Al «Astananyń» gol jibermeýi bálkim bizge sáttilik joldas bolǵan bolar. Degenmen de, gol soqpaǵan «Astananyń» kinási der edim. Sonymen qatar, Iýrmaladaǵy matchtan keıin astanalyqtardyń alań qurǵaq boldy degen renishin estidim. Qazaqstanda mundaı olqylyq bolmaıdy dep oılaımyn.
– Alǵashqy oıynnan keıin negizgi quramǵa ózgeris engizesiz be?
– Joq, bul týraly eshnárse aıta almaımyn. Qupııa bolyp qala bersinshi.
– Bolashaǵyńyzǵa qaıta oralsaq, ózińizben birge «Shahterge» «Spartaktan» oıynshylar alyp ketesiz be?
– Ábden múmkin. «Astanadan» da oıynshylar satyp alyp qalýym ǵajap emes (kúldi).
– Alǵashqy oıynda qos komandaǵa barlyǵy 10 sary qaǵaz kórsetildi. Bul matchtyń óte dóreki ótkenin bildirmeıdi me?
– Joq, bul fýtboldyń bir bóligi. Irlandııalyq tóreshi bolady degen kezde men de osylaı bolady dep ishteı oılap edim.
– Qatelespesem, Astanaǵa alǵash ret kelip tursyz. Alǵan áserińizben bólise otyrsańyz.
– Qazaqstanǵa alǵash kelip tursam da bul el týraly, Astana týraly kóp nárse bilemin dep aıta alamyn. Uly dala elinde meniń jaqyn dostarymnyń biri qyzmet etken.
Aıan ÁBDÝÁLI,
«Egemen Qazaqstan»
