– Bul qoıylymdy biz bir aı ishinde ázirlep úlgerdik, mańyzdy mýzykalyq ári rejısserlik jumys júrip jatty. Muny basynda ózime alyp turyp, ishteı biraz qobaljydym, óıtkeni kez kelgen jańa, kúrdeli partııaǵa táýekel etý úshin adamǵa júrek kerek. Sol turǵydan kelgende, «bul meniń qolymnan kele qoıar ma eken?» dep tolqyǵanym ras. Biraq bir jaǵynan, belkanto stılin shyńdap jatyrmyn degen zor qýanyshpen jumysymdy jalǵastyra berdim, sebebi bul róldiń oıdaǵydaı oryndalýy keıingi basqa spektaklderge oń yqpalyn tıgizeri sózsiz. Kúnder óte kúdik kúshi birte-birte azaıa berdi. Maǵan mundaǵy mýzykalyq aýra qatty áser etti. Álemge áıgili ánshilermen bir sapta turý ánshi úshin qandaı baqyt ekenin óner adamdary jaqsy biledi. Osynyń bári meniń sahnadaǵy jolymdy, tynysymdy ashty. Akterlik sheberligimdi shyńdadym, nátıjesinde kórermenge jaqsy oıyn men tehnıkamdy kórsettim. Áriptesterim meni óte joǵary baǵalady, – dedi M.Shotabaev Avstrııa sapary jaıynda.
Spektaklden keıin solıst týraly mýzykalyq synshylardyń maqalasy jaryq kórdi. Nemis tilinde shyǵatyn sondaı basylymdardyń biri – «Kronen Zeitung» ol jaıynda: «Qazaqstandyq jas ánshi óziniń syńǵyrlaǵan keń aýqymdy daýsyn, ıkemdi tehnıkasyn pash etti» – dep jazdy.
Qazaq eliniń mártebesin shynaıy ónerimen bıiktetken ánshi qaı jerde óner kórsetse de barlyq afıshalarda onyń esimimen qosarlanyp «Astana Opera» teatry, Qazaqstan ataýy birge júredi eken.
– Bul saparda óte kólemdi jumys atqaryldy, kúnara án shyrqadym, árdaıym kóterińki kóńil kúıde boldym. V.Bellınıdiń «Norma» operasy belkanto stıli úlgisindegi shyńdardyń biri ekenin atap ótken jón. Spektaklder arasynda Bratıslavaǵa baryp qaıttym, ol jerde Chaıkovskııdiń «Evgenıı Onegın» operasyndaǵy Lenskıı partııasyn oryndadym. Osydan sahnalyq mansabym ósti, bul partııany taǵy Brazılııada usyndym. Kórermender men basshylyqqa unaǵany sonshalyq, meni kelesi maýsymda Dj.Verdıdiń «Travıata» operasyndaǵy Alfred partııasyn oryndaýǵa shaqyrdy, – dep aldaǵy saparlary jaıynda da oıymen bólisti ánshi.
Medet Shotabaevtyń shetelge sapary úsh aıǵa sozylypty. El aralap, alysqa atyńdy tanytqan jaqsy árıne, alaıda «óz úıiń – óleń tósegiń» demekshi, súıikti ánshisin qazaqstandyq jankúıerler de ábden saǵynyp qalǵan tárizdi. E.Brýsılovskııdiń «Qyz Jibek» operasynan súıikti ánshisiniń daýsyn estigen jurt erekshe tolqyp, qoshemettep uzaq qol soqty. О́ıtkeni, bul operada Medet Tólegenniń partııasyn oryndady. Al tamyzda ánshi ataqty maestro Plasıdo Domıngomen birge Dj.Verdıdiń «Travıata» spektaklinde óner kórsetpek.
Qarashash TOQSANBAI,
«Egemen Qazaqstan»
