Álemniń úzdik 50 ýnıversıtetteri ishinde óz ornyn tapqan L.N.Gýmılev atyndaǵy EUÝ álemdik reıtıng boıynsha eki satyǵa kóterildi. 2017 jyldyń 12 shildesinde qorytyndysy belgili bolǵan QS Top 50 Under 50 halyqaralyq bedeldi reıtıngtik agenttiginiń saraptamasy osyndaı.
Halyqaralyq reıtıngke álemniń 150 ýnıversıteti qatysty: Azııadan – 53, Eýropadan – 52, Okeanııadan – 20, Latyn Amerıkasynan – 18, Soltústik Amerıkadan – 4.
Elimizdegi jas ulttyq ýnıversıtettiń reıtıngtegi satysy jumys berýshiler men akademııalyq sarapshylar arasyndaǵy abyroı-bedeli jáne sheteldik oqytýshylardyń sany arqyly kóterilip otyr.
L.N.Gýmılev atyndaǵy Eýrazııa ulttyq ýnıversıteti álemdik reıtıngke 2014 jyldan beri turaqty túrde qatysyp keledi. Qazirgi tańda EUÝ atalmysh reıtıng boıynsha 35-satyda tur, bul Qazaqstandaǵy birden-bir joǵary oqý orny ekenin eskersek, zor jetistik bolyp tabylady.
