– Qymyzmuryndyq – eń ejelgi mereke, – dedi «Musylman áıelderi lıgasynyń» tóraıymy Gúljıhan Jumataeva, – saýmaldy em retinde býyn aýrýlaryna ishse, tipti paıdaly. Saýmaldan soń bir kúndik túnemel qymyz, eki kúndik qunan qymyz, úsh kúndik dónen qymyz, tórt kúndik besti qymyz degen ataýlary bar. Ashyǵan qymyz shóldi basyp, qantamyrdy qordalanǵan zııandy qaldyqtardan tazartady. Búırek pen baýyrdy qanyqtyryp, qan tamyrlaryn tazalaıdy.
Sharany uıymdastyrýshy «Ahaý, Semeı» etnomádenı ortalyǵynyń ájeleri men «Musylman áıelderi lıgasyndaǵy» aq jaýlyqty analar merekege kelgenderdiń barlyǵyna tegin qymyzdy keselerine toltyra quıyp berdi. Bul kúni qala turǵyndary men qonaqtaryna 250 lıtr qymyz tegin quıylyp beriledi. Semeıdegi Dostyq úıiniń barlyq etnomádenı ortalyqtary, túrli ult ókilderi óz qoldarymen jasaǵan kórkemóner týyndylarynan kórme uıymdastyrdy.
Raýshan NUǴMANBEKOVA
SEMEI
Sýretti túsirgen avtor
