«О́zgerister kezeń-kezeńimen júzege asyrylady. Jańa mınıstrlik aldaǵy jyldyń birinshi jartysynda qurylyp bitýi tıis», – dep málimdedi Úkimet basshysy búgingi ótken baspasóz konferensııasynda. Ol sondaı-aq jańa vedomstvony basqarýdy qazirgi kóshi-qon jáne shekaralardy qorǵaý mınıstri Pıter Dattonǵa tapsyrǵanyn atap ótti.
Qazirdiń ózinde jergilikti BAQ ókilderi Avstralııanyń jańa ishki ister mınıstrligin «qaýipsizdik sýpermınıstrligi» dep atap ketti. Onyń quramyna kóshi-qon men shekaralyq baqylaý qyzmetteri, federaldy polısııa, Avstralııanyń qaýipsizdik jáne barlaý qyzmeti, ulttyq qarjylyq baqylaý qyzmeti, sondaı-aq ózge de birqatar quqyq qorǵaý vedomstvolary men arnaıy qyzmetter kiredi. Úkimet basshysy barlyq atalǵan vedomstvolardyń qurylymdary saqtalatynyn, al mınıstr olardyń qyzmetin úılestirip otyratynyn jetkizdi.
«Reforma bizdiń júıemiz buzylǵandyqtan júrgizilip otyrǵan joq, bul qajettilik qaýipsizdik salasyndaǵy ahýaldyń jyldam ózgerip jatqanynan týyndap otyr. Zamanaýı syn-qaterlerge tótep berý úshin barynsha tıimdi qurylym qajet», – dedi ol.
