Jergilikti jurttyń alańdaýshylyǵyn týǵyzǵan bul jaıtqa alpaýyt kompanııanyń basshylyǵy «Aýaǵa taraǵan gazdyń adam densaýlyǵyna asa zııany joq» dep jaýyrdy jaba toqyǵysy kelgen syńaı tanytqan. Alaıda, oblystyq ekologııa departamenti oqıǵa ornyna tekserý júrgizip, ekologııaǵa 176,9 mln teńge mólsherinde zalal kelgenin anyqtady.
– Komıssııa jumysynyń qorytyndysy «Teńizshevroılǵa» jiberildi, – deıdi oblystyń bas ekologııalyq ınspektory Qanat Qalmahan. – Kompanııaǵa 169 mln teńge aıyppul salyndy. Bir aı ýaqyt ishinde aıyppul qazynaǵa túspeıtin bolsa, is sotqa joldanady.
Baqytgúl BABASh,
«Egemen Qazaqstan»
