Sondaı-aq, qazaqstannyń erler jáne áıelder quramy qatysyp jatyr. Atap aıtar bolsaq, erler arasynda Mıhaıl Kýkýshkın men Dmıtrıı Popko, qyzdar arasynda Kamıla Kerimbaev, Jibek Qalymbaeva jáne taǵy basqa jas talantty ul-qyzdar bar.
Byltyr uıymdastyrylǵan Prezıdent kýbogy jarysyna jaraqatyna baılanysty qatysa almaı qalǵan qazaqstandyq tennısshi Mıhaıl Kýkýshkın bıyl top jarýdy kózdep otyr. «О́kinishke qaraı, bir jyl buryn jaraqattanyp, týrnırge qatysa almaı qalǵan edim. Bul joly barymdy salamyn. Jeńisten úmittimin», deıdi Mıhaıl Kýkýshkın.
Qazaqstan tennıs federasııasynyń vıse-prezıdenti Dıas Dosqaraevtyń aıtýynsha, ulttyq quramanyń negizgi oıynshylary da Prezıdent kýbogyna qatysyp, jarystyń mártebesi men kórigin qyzdyrady dep oılaǵan. Alaıda, birqatar tennısshilerimizdiń jaraqaty syr bergen, endi biri jaraqatynan tolyq aıyǵyp úlgermegen.
«Iаroslava Shvedova jaraqatynan áli tolyq aıyqqan joq. Pýtınsevada da jaraqat bar. Zarına Dıas ta byltyrǵy operasııadan keıin endi qalpyna enip jatyr. О́zderińiz bilesizder, jaqynda ol Londonda ótken Ýımbldon-2017 «Úlken dýlyǵa» jarysynyń úshinshi aınalymyna deıin shyqqan bolatyn. Biz Zarınany Ýımbldonnan keıin qalpyna kelip, býyn jaraqattaryn emdep alsyn dep bul týrnırden bosattyq», deıdi D.Dosqaraev.
Sonymen qatar, tennısten Prezıdent kýbogynyń júlde qorynyń qomaqty ekenin aıta ketken jón. Týrnırdiń júlde qory – 225 myń AQSh dollaryn quraıdy. Bul – Prezıdent kýbogynyń mártebesin anyqtap beredi. Júlde qory qomaqty bolǵan saıyn, tennısshilerge beretin reıtıngtiń upaı sany da kóp bolatyny anyq.
«Menińshe, sheteldiń tennısshileri Prezıdent kýbogyna qarjy úshin emes, reıtıngtik upaı úshin keledi. О́ıtkeni, erler arasynda jeńimpaz atanǵan tennısshige 110, al qyzdar arasyndaǵy jeńimpazǵa 100 reıtıngtik upaı beriledi. Bul tennısshilerdiń ATR jáne WTA reıtıngin jaqsartyp alýǵa zor múmkindik beredi. Sonymen qatar, júlde qory da qomaqty. Jeńimpazǵa 18 myń AQSh dollary, ekinshi oryn ıegeri 10,600, al jartylaı fınalǵa shyqqandarǵa 6,275 AQSh dollaryn beredi», deıdi vıse-prezıdent.
Aıta keteıik, Prezıdent kýbogy tamyz aıynyń sońynda AQSh-ta ótetin US Open týrnırine daıyndyq retinde sanalady.
Tennısten erler jáne qyzdar arasyndaǵy Prezıdent kýbogy 23 shildege deıin jalǵasady. Jarystyń jeńimpazdary men júldegerleri de sol kúni anyqtalatyn bolady.
Álı BITО́RE,
«Egemen Qazaqstan»
