Máselen, jyl basynan beri Astana qalasynyń JPQ tabıǵatty qorǵaý polısııasy jalpytaraǵan paıdaly qazbalardy zańsyz óndirý boıynsha 22 fakt anyqtaǵan. Mundaı qazbalarǵa qum, qıyrshyq tas, usaq tas, topyraq jatady. Barlyq fakt boıynsha «Jer qoınaýyn óz erkimen paıdalaný» QRQK 334 baby boıynsha sotqa deıingi tekserý amaldary júrgizilýde. Prosessýaldy sheshimder shyǵarý úshin atalǵan jaǵdaılar boıynsha materıaldar Astana qalasynyń IID tergeý basqarmasyna berilgen.
Anyqtama úshin: 2016 jyly keńinen taraǵan paıdaly qazbalardy zańsyz óndirý boıynsha 55 fakt tirkelgen. ÁKtQRK-niń «Kólik quraldaryn paıdalaný erejelerin buzý» 590 babyn buzǵany úshin jyl basynan beri ákimshilik jaýapkershilikke 18 júrgizýshi tartylǵan, 60 birlik tehnıka ustalǵan.
Paıdaly qazbalardy zańsyz paıdalanýǵa jol bermes úshin Astana qalasynyń IID jergilikti polısııa qyzmetkerleri kún saıyn kúndiz jáne túnde zańsyz qazba jumystary júrgizilýi múmkin degen oryndarda kólikpen jáne jaıaý reıdter júrgizedi. Budan bólek, turǵyndar arasynda keńinen taraǵan paıdaly qazbalardy zańsyz óndirý boıynsha qoldanylatyn qylmystyq jaýapkershilik týraly túsindiriledi.
Astana qalasy IID jergilikti polısııa qyzmeti paıdaly qazbalardy paıdalaný zańyn buzý boıynsha faktilerdi anyqtaǵan jaǵdaıda turǵyndarǵa 42-08-92, 8701 700 97 99 habarlasýdy suraıdy.
Budan bólek, qum, topyraq jáne de ózge de materıaldarǵa tapsyrys beretin qurylys jáne basqa da kommersııalyq uıymdarǵa ókiletti organdardan arnaıy ruqsaty bar ken oryndarynan taýarlardy qabyldaý týraly túsindirme jumystary júrgizilýde.
