Jastardy áleýmettik ıntegrasııalaý maqsatynda 2017 jyldan bastap Qazaqstan Respýblıkasynda Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasyna sáıkes birinshi jumysshy biliktiligin tegin berý arqyly mektep túlekteriniń kásibı daıyndyqqa qoljetimdiligi qamtamasyz etilse, Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy boıynsha tehnıkalyq jáne kásiptik bilimmen jáne qysqa merzimdi kásiptik oqýmen jumyssyzdar qamtylady.
Kolledjderdiń salystyrmaly sıpattary boıynsha aqparat usyný TjKB uıymdarynyń basshylaryna bolashaqqa strategııalar men josparlar qurýǵa, múddeli tulǵalarǵa (talapkerler men olardyń ata-analary, stýdentter men jumys berýshiler) kolledjder arasynda durys tańdaý jasaýǵa múmkindik beredi.
Bilim berý sapasyn qamtamasyzdandyrý táýelsiz qazaqstandyq agenttigi (BSQA)-reıtıng qazaqstandyq kolledjderdi saralaýdyń qanatqaqty jobasyn úshinshi ret ótkizip, Qazaqstannyń úzdik kolledjderiniń 2017 j. reıtıngin usynady.
Agenttik kolledjderdiń reıtıngin mamandardy daıyndaý beıini men mamandyqtar tizimi eskerilgen bes baǵytta ótkizdi: kóp salaly, polıtehnıkalyq, gýmanıtarlyq-ekonomıkalyq, medısına jáne óner. BSQA reıtıng ótkizýde shynaıylyq, ashyqtyq, dáıektilik, naqtylyq jáne múddeli qurylymdardy tartý prınsıpterin ustanady.
Kolledjderdiń reıtıngin ótkizý ádisnamasy kolledjdiń qyzmet sapasy, oqý úderisin uıymdastyrý jáne ınjenerlik-pedagogıkalyq qyzmetkerlerdiń kásibı quzyreti deńgeıin baǵalaýǵa negizdelgen.
Reıtıngti ótkizý barysynda kolledjderdiń bes ındıkator boıynsha usynǵan statıstıkalyq málimetteri paıdalanyldy: stýdentter kontıngenti; stýdentterdi oqytý nátıjeleri jáne TjKB uıymdary iske asyratyn bilim berý baǵdarlamalarynyń sany; ınjenerlik-pedagogıkalyq qyzmetkerlerdiń sapasy; TjKB uıymynyń qyzmet sapasy; jumys berýshilermen yntymaqtastyq.
Reıtıngti anyqtaıtyn mańyzdy krıterıılerdiń sanatyna: memlekettik tapsyrys negizinde oqıtyn stýdentter úlesi; WorldSkills Kazakhstan jáne WorldSkills International chempıonattaryndaǵy kolledjdiń jeńimpaz-stýdentter sany; dýaldy oqytý boıynsha bilim berý baǵdarlamalarynyń sany, sonyń ishinde qoldanbaly bakalavrıat baǵdarlamalary boıynsha; joǵary sanatty ınjenerlik-pedagogıkalyq qyzmetkerlerdiń úlesi; oqytýshylar basylymdarynyń úlesi, sonyń ishinde QR BjǴm grıfimen shyǵarylǵan oqýlyqtar sany; ınstıtýttyq jáne mamandandyrylǵan (baǵdarlamalyq) akkredıtteýden ótý endi. Agenttik sarapshylary kolledjder usynǵan aqparattyń durystyǵyn anyqtaý boıynsha tııanaqty jumystar júrgizip, nátıjelerdi anyqtady.
Indıkatorlar men krıterıılerdiń tolyq sıpattamasy, olardyń paıyzdyq salmaǵy jáne reıtıng nátıjeleri agenttiktiń www.nkaoko.kz saıtynda usynylǵan.
Bilim berý sapasyn qamtamasyzdandyrý táýelsiz qazaqstandyq agenttigi – reıtıng barlyq talapkerlerge óz qalaýy boıynsha kolledjdi jáne mamandyqty durys tańdaýǵa tilek bildiredi jáne Qazaqstannyń úzdik kolledjderiniń reıtıngi osy tańdaýda kómektesedi dep senedi.
Qazaqstannyń úzdik kópsalaly kolledjderi reıtıngi – 2017
|
orny |
Kolledj (TjKB uıymy) ataýy |
Barlyǵy |
|
1 |
Pavlodar qalasy ınnovasııalyq Eýrazııa ýnıversıtetiniń kolledji |
100,00 |
|
2 |
Qyzylorda qalasy «Abylaı han» atyndaǵy kolledji |
84,58 |
|
3 |
«Almaty tehnologııalyq ýnıversıteti» AQ tehnologııalyq-ekonomıkalyq kolledji |
57,39 |
|
4 |
Qyzylorda kópsalaly gýmanıtarlyq – tehnıkalyq kolledji |
40,65 |
|
5 |
Janatas kópsalaly kolledji |
39,58 |
Qazaqstannyń úzdik polıtehnıkalyq kolledjderi reıtıngi – 2017
|
orny |
Kolledj (TjKB uıymy) ataýy |
Barlyǵy |
|
1 |
Almaty memlekettik energetıka jáne elektrondy tehnologııalar kolledji |
100,00 |
|
2 |
Batys Qazaqstan ınjenerlik-tehnologııalyq kolledji |
98,89 |
|
3 |
Salamat Muqashev atyndaǵy Atyraý polıtehnıkalyq kolledji |
89,32 |
|
4 |
Almaty memlekettik qyzmet kórsetý jáne tehnologııalar kolledji |
89,16 |
|
5 |
Býrabaı aýdany Qatarkól s. aýyl-sharýashylyq kolledji |
72,15 |
|
6 |
Hromtaý taý-tehnıkalyq kolledji |
60,55 |
|
7 |
Torǵaı agrarlyq-tehnıkalyq kolledji |
59,93 |
|
8 |
Qarataý gýmanıtarlyq-tehnıkalyq kolledji |
52,49 |
|
9 |
M. Tynyshpaev atyndaǵy Almaty kólik kolledji |
50,10 |
|
10 |
Innovasııalyq-tehnologııalyq kolledji |
48,37 |
Qazaqstannyń úzdik gýmanıtarlyq-ekonomıkalyq kolledjderi reıtıngi – 2017
|
orny |
Kolledj (TjKB uıymy) ataýy |
Barlyǵy |
|
1 |
Astana qalasy bilim basqarmasynyń «Gýmanıtarlyq kolledji» MKQK |
100,00 |
|
2 |
Pavlodar bıznes kolledji |
94,80 |
|
3 |
Soltústik Qazaqstan kásibı pedagogıkalyq kolledji |
85,62 |
Qazaqstannyń úzdik óner kolledjderi reıtıngi – 2017
|
orny |
Kolledj (TjKB uıymy) ataýy |
Barlyǵy |
|
1 |
«Symbat» dızaın jáne tehnologııa akademııasynyń kolledji |
100,00 |
Qazaqstannyń úzdik medısınalyq kolledjderi reıtıngi – 2017
|
orny |
Kolledj (TjKB uıymy) ataýy |
Barlyǵy |
|
1 |
Kókshetaý joǵary medısınalyq kolledji |
100,00 |
|
2 |
Taldyqorǵan medısınalyq kolledji |
76,08 |
|
3 |
Batys Qazaqstan joǵary medısınalyq kolledji |
74,65 |
|
4 |
Atyraý medısınalyq kolledji |
74,28 |
|
5 |
Leńgir «Meıir-Beıs» medısınalyq kolledji |
65,64 |
|
6 |
Jezqazǵan qalasy medısınalyq kolledji |
60,64 |
Sholpan KALANOVA,
Bilim berý sapasyn qamtamasyzdandyrý táýelsiz qazaqstandyq
agenttiktiń prezıdenti, professor, pedagogıka
ǵylymdarynyń doktory
