– Jármeńkede iri jumys berýshi HQKO boldy, olar 80-ge jýyq bos oryn usyndy, onyń ishinde turǵyndarmen jumys júrgizetin mamandar qajet. Qyzmet kórsetý salasynda iri qonaq úı 40 jumys ornyna, ártúrli jumys isteýshiden bastap, ofıs-menedjerge deıin izdeýde. Ekinshi deńgeıli iri bankterdiń biri kassırler, IT-mamandar, kelýshilermen jumys júrgizýshi maman oryndaryna tańdady. Ádette osyndaı jármeńkeden keıin jumysqa kem degende 100 adam ornalasady, - deıdi jumyspen qamtý ortalyǵy baspasóz qyzmetiniń basshysy Aıajan Aıtjanova.
Resmı málimetter boıynsha, 2017 jyldyń 1 toqsanynda Astanada jumyssyzdyq deńgeıi 4,6% qurady. Elordada jumyssyzdyq deńgeıiniń tómendigi boıynsha áli de kóshbasshy orynda, bul kórsetkish respýblıka boıynsha kórsetkishten 0,3%-ǵa tómen.
Búgingi kúnge Astana qalasynyń jumyspen qamtý ortalyǵy bazasynda 1125 jumys berýshi tirkelgen. Olar 9000 bos jumys ornyn usynýda.
