Rásimdi Tatarstan Respýblıkasynyń eńbek sińirgen óner qaıratkeri Kamılııa Ismaılova basqaratyn Shyǵys Qazaqstan oblysynyń Tatar qoǵamdyq ortalyǵy uıymdastyrdy. Osy basylymdarda Semeı qalasy tatar dıasporasynyń dárigerleri men pedagogtary týraly materıaldar jarııalanǵan eken. Jınaqtar tatar muraǵatynyń materıaldary, buqaralyq aqparat quraldaryndaǵy jarııalanymdardyń, otbasylyq muraǵattar jáne áriptesteriniń estelikteriniń negizinde qurastyrylypty.
Qos kitapta 120-dan astam belgili jáne talantty adamdardyń ómirbaıany usynyldy. Bulardyń qatarynda belgili muǵalimder, Uly Otan soǵysynyń ardagerleri, ǵalymdar jáne dárigerler bar. Sharanyń resmı bóligin kirispesózben Tatar qoǵamdyq ortalyǵynyń tóraıymy Kamılııa Ismaılova ashty. Ol kitapty shyǵarýǵa kómektesken redaksııalyq keńes múshelerine jáne Tatar ortalyǵynyń belsendilerine óz rızashylyǵyn bildirdi. Sonymen qosa, shara barysynda Halyqaralyq pedagogıkalyq bilim berý akademııasynyń korrespondent-múshesi, professor Gúlfııa Badambaevany Tatarstan Respýblıkasynyń bilim berý mınıstrliginiń «Bilim berý salasyndaǵy jetistikteri úshin» medalimen marapattady. Merekelik kesh konserttik baǵdarlamamen jalǵasty.
Raýshan NUǴMANBEKOVA,
jýrnalıst
SEMEI
