"Atalǵan forým - Qazaqstannyń mádenı ómirindegi eleýli oqıǵa. Ol Ortalyq Azııanyń basty kınofestıvaline aınaldy. Ashyq ári kreatıvti alańda shyǵarmashylyq ıdeıalar men tájirıbe almasýǵa múmkindik bar. Kınofestıval otandyq kınematografııanyń damýyna óz úlesin qosyp, álemde kınonyń deńgeıin kóteredi dep senemin", delingen Prezıdenttiń quttyqtaý xatynda.
Osydan keıin sóz alǵan "Oskar" syılyǵynyń laýreaty Nıkolas Keıdj kınonyń mádenı kúshin erekshe atap ótti.
"Kıno kommýnıkasııanyń ámbebap tili bolyp sanalady. Ol arqyly biz tarıxty baıandap, búkil álemge jetkize alamyz. Kıno arqyly biz barlyq mádenı kedergilerdi eńserip, bir-birimizdi túsine alamyz", dep atap kórsetti Keıdj.
Aıta keteıik, "Eýrazııa" kınofestıvali Sultan-Axmet Hodjıkovtyń "Qyz Jibek" fılmimen ashylady. 1972 jyly atalǵan týyndy Qazaq SSR Memlekettik syılyǵyn jeńip alǵan.
