Qala bıligi joldardyń sapasyn, áleýmettik nysandar men mektepterdiń, aýrýhanalar men aýlalardyń jaǵdaıyn tekserdi.
Jalpy alǵanda qala basshysy aýdannyń 15 nysanyna tekserý júrgizdi. Atap ótken jón, aǵymdaǵy jyldyń aqpan aıynda «Saryarqa» aýdany ákimi jergilikti turǵyndarmen esepti kezdesýinde aýdan turǵyndarymen ózekti máseleler kóterilgen bolatyn. О́zekti suraqtardyń ishinde buzylǵan joldar men kósheniń jaryqtandyrylýy, qorshaýlardyń buzylýy syndy ınfraqurylymdy qaıta qalpyna keltirý máseleleri boldy.
Barlyq suraqtar ákimniń qatań baqylaýyna alynǵan bolatyn, búgingi tekseris barysynda «Saryarqa» aýdanynyń ákimi Arman Turlybek qala basshysyna joǵaryda kórsetilgen barlyq máseleler óz sheshimin tapqanyn jetkizdi.
Onymen birge qala basshysy Samal shaǵyn aýdanynda jóndeýden jáne qaıta qalpyna keltirý jumystarynan keıin paıdalanýǵa berilgen aýlalardy aralady.
Ákim ári qaraı Kúmisbekov kóshesine baryp, Kenesary kóshesinen Abaı dańǵylyna deıin Kúmisbekov kóshesiniń jolynda júrgizilip jatqan qurylys barysymen tanysty.
Ári qaraı qala basshysy Kenesary kóshesinen bastap Bógenbaı batyr dańǵylyna deıin sozýǵa josparlanǵan Kúmisbekov kóshesi boıynsha joldyń qurylysy týraly Arman Turlybektiń esebin tyńdady. Kóshesi jaryqtandyrylyp, ótpejoldar salynyp, tolyǵymen abattandyrylatyn joldyń qurylysy aǵymdaǵy jyldyń kúzinde bitedi dep josparlanýda.
Qala basshysy Kóktal-1 turǵyn alabynda júrgizilip jatqan jol jóndeý jumystarynyń barysymen tanysyp, Bazarlyq, Tańjaryq jáne Aqtolqyn kóshelerin aralady.
Tekserý barysynda Almaty kóshesi, Jangeldın kóshesinen Beısekova kóshesine deıin jol qurylysy boıynsha jumystardy kórip, Bógenbaı batyr dańǵylynan Máskeý kóshesine deıin Saryarqa dańǵylyn keńeıtý máselesin qarastyrdy.
Sondaı-aq qala bıligi Kýbrın 20/1 kóshesiniń aýdanyndaǵy qurylysy bitýge jaqyn qalǵan jol jóndeý boıynsha jumys barysymen tanysyp, aýlany abattandyrý máselelerin talqylady.
187 kóshesi boıynsha 2 kásibı-texnıkalyq mekteptiń qurylys barysyn tekserip, Qosshyǵululy 16,18 kóshesi boıynsha turǵyn úılerdiń aýlasyn abattandyrý, №65 jáne №67 mektepterine kireberistiń uıymdastyrylý barysy jóninde máseleni qarastyrdy.
Tekserý barysynda qala bıligi «Qamqor» bazaryn súrip tastaýǵa arnalǵan jumystyń barysymen tanysty, Bógenbaı batyr dańǵyly jáne Jeńis dańǵylynyń qıylysyndaǵy úılerdi súrip tastaý máselelerin qarastyrdy.
