«Kelesi aptany maestro elordalyq teatrda ótkizedi. Ol «Operalııa» baıqaýy aıasynda álemge jańa opera juldyzyn tanystyrady.
Aıta keteıik, álemdegi eń bedeldi «Operalııa Plasıdo Domıngo» opera baıqaýy «Astana Operada» 24-29 shilde aralyǵynda QR Mádenıet jáne sport mınstrliginiń qoldaýymen EKSPO-2017 baǵdarlamasynyń aıasynda ótedi. «Operalııanyń» jıyrma besinshi maýsymyna qatysatyn álemniń 17 eliniń daryndy 40 jas vokalısteriniń qataryna «Astana Opera» ánshisi kóptegen halyqaralyq baıqaýlardyń laýreaty Marııa Mýdrıakty qosqanda, 4 qazaqstandyq ánshi kiredi. Qurmetti qonaq - KSRO halyq ártisi Bıbigúl Tólegenova.
Jurtshylyq baıqaýdyń barlyq kezeńderin tamashalaı alady. 24, 25 jáne 26 shildede ótetin shırek fınal jáne jartylaı fınal týrlary tyńdaý nysanynda ótedi. Qatysýshylar «Operalııa» konsertmeısteriniń akkopanementimen álemdik opera klassıkasynan olar tańdaǵan arııany oryndaıdy. 29 shildede fınal kezinde jeńiske on úmitker maestro Domıngonyń basqarýymen «Astana Opera» sımfonııalyq orkestiriniń súıemeldeýimen óner kórsetedi.
Eske salsaq, «Operalııaǵa» 18-32 jas aralyǵyndaǵy kez kelgen daýysty (bastan sopranoǵa deıin) ánshiler qatysa alady. Jalpy júlde qory 180 000 AQSh dollary. Erler men áıelder daýystary arasynda 1,2 jáne 3 syılyq laýreattaryn marapattaýdan basqa, júldeniń ishinde R. Vagner, R. Shtraýs operasynan repertýarlardy úzdik oryndaǵany úshin B. Nılson atyndaǵy syılyq, sarsýeldi (operettege jaqyn ıspan mýzykalyq-ssenalyq janr) úzdik oryndaǵany úshin Pepıta Embıl de Domıngo men aǵa Plasıdo Domıngo syılyǵy bar.
