Solomondyqtar óneri kópshilikti tánti etti

Basqosýda araldyń taý-ken óndirisi, energııa jáne aýyldyq aımaqtardy elektrlendirý mınıstri Devıd Deı Pachı sóz sóıledi. Ol memlekettiń barlyq óńirlerinde jel, kún jáne sý qýaty qalaı paıdalanylatynyn tilge tıek etti. «Solomon aral­darynyń qalada da, aýylda da jańartylatyn arzan energııa kózderine qol jet­ki­zýdi qam­ta­masyz ete alatyn áleýeti bar. Qa­zirgi ýaqytta bizdiń óńirlerde elektr qýaty shekteýli jáne mı­nıs­trlik senimdi ári qoljetimdi energııa jetkizilimderi úshin bir­qa­tar jobalardy iske asyrýda. Provınsııalardy ener­getıkalyq damytý, Tına ózeniniń gıdro­energetıkasyn ilgeriletý sekildi birneshe joba boıynsha donorlarmen tyǵyz baılanys ornattyq. Bizge Táńir syılaǵan resýrs­tardy nyǵaıtý jáne paıdalaný maqsatynda úkimetpen jáne Solomon araldarynyń halqymen jumys isteý úshin barlyq áleýetti ınvestorlardy jáne áriptes donorlardy shaqyramyz», dedi Devıd Deı Pachı. 

Saltanatty shara máresine jetkennen keıin, qonaqtar 600 myń ǵana turǵyny bar eldiń kórmedegi pavılonyn aralady. Solomon araldary – Tynyq muhıtynyń ońtústik batysyn­da ornalasqan 992 araldan tu­ratyn memleket. Eki el ara­syndaǵy dıplomatııalyq qa­rym-qatynastar bes jyl bu­ryn ornaǵan. Bul aral tabıǵı re­sý­rstarǵa baı. Alaıda, shıkizattyń ba­sym bóligi eksportqa jiberiledi. Saldarynan elde janar-ja­ǵar­maı, otyn baǵasy qaryshtap tur. Sol sebepti, aralda balamaly energııa kózderin damytý – óte ózekti másele. 

2015 jyly ınvestorlardyń arqasynda el astanasy Honıara qalasynda fotoelektr kún stansasy ashyldy. Qurylǵy tek elordany ǵana emes, búkil memleket aýmaǵynyń 7%-yn balamaly ener­gııamen qamtamasyz etedi.