Baıypty baılanystar baǵdary

Keshe Astanada Premer-Mınıstr Kárim Másimov pen Lıtva Respýblıkasynyń Prezıdenti Dalıa Grıbaýskaıteniń qa­ty­sýy­men eki el kásipkerleriniń bıznes-forýmy ótti. Sonymen qa­tar, oǵan «Atameken» Qazaqstan ulttyq ekonomıkalyq pa­la­ta­sy­nyń tóraǵasy Abylaı Myrzahmetov pen Lıtva О́n­di­ris­shiler konfederasııasynyń prezıdenti Bronıslav Lobıs qa­tysty. Atalmysh shara Lıtva Respýblıkasynyń Prezıdenti D.Grı­baý­skaı­teniń elimizge resmı sapary aıasynda ótkizildi. Bıznes-forýmda Úkimet bas­shy­sy Kárim Másimov ekonomı­ka­lyq turǵydan alyp qaraǵanda Qa­zaqstanda jáne Lıtvada ózara qoldaý kórsetý, sonymen birge qos eldiń bıznesteri arasynda ekeýara tolyqtyryp otyrý úshin múmkindikter molynan ekenin jetkizdi. «Lıtva Eýropalyq Odaq múshesi bolyp tabylady. Elimiz úshin atalǵan odaqpen tyǵyz qarym-qatynas ornatý mańyzdy. Lıtva tarapynan Qazaqstanmen yn­tymaqtastyqqa barynsha qol­daý kórsetiletinine úmitimiz mol. Onyń ishinde jaqyn arada Bú­kil­álemdik saýda uıymyna enýge Eýropalyq Odaq jaǵynan qoldaý bolaryna da úmittimiz», – dedi ol. Sondaı-aq Premer-Mınıstr eli­miz tarapy da tıisti qoldaý sha­ralaryn atqarýǵa daıyn ekenin aıta kele, eki memlekettiń kó­lik áleýetin paıdalaný sheńbe­rinde Lıtvaǵa Qazaqstan jaǵy Keden odaǵy boıynsha qoldaý kórsete alatynyn tilge tıek etti. Premer-Mınıstr forýmda so­nymen qatar bıýrokratııalyq kedergilerdi azaıtýda lıtvalyq kompanııalarǵa kómek kórse­týde­miz jáne kórsete beremiz, bul sharalar lıtvalyq kompanııanyń qyz­meti men ınvestısııalary elimizde qomaqty bolýy úshin at­qarylýda degendi de nazardan tys qaldyrmady. Bul rette Lıtva aýmaǵynda da Qazaqstan ınves­tı­sııasyna osy taqylettes qarym-qatynas bolatynyna úmitti ekenin jetkizdi. Forým san taqyryptaǵy birneshe salany qamtydy. «Atameken» Qazaqstannyń ulttyq eko­no­mıkalyq palatasy men Lı­tva­nyń О́ndirisshiler konfedera­sııa­sy Qazaqstan-Lıtva iskerlik ke­ńe­sin qurý týraly kelisimdi bekitse, elimizdiń Kólik jáne kommýnıkasııa mınıstrligi men Lıt­va­nyń Kólik mınıstrligi ózara túsinistik týraly memorandýmǵa qol qoıdy. Qazaqstan men Lıtva arasyn­da­ǵy saýda-ekonomıkalyq baıla­nys­tar nyǵaıyp keledi. Statıs­tı­kalyq málimetter eki el ara­syndaǵy taýar aınalymy ótken jyly 176,5 mln. AQSh dolla­ry­na jetkendigin kórsetýde. Al bı­ylǵy jyldyń alǵashqy jarty­sy­nda ǵana bul kórsetkish 165,3 mln. dollarǵa jetken. Onyń 106,6 mln.-y eksport bolsa, 58,7 mln.-y ımport bolyp otyr. Sóıtip ótken jyldyń sáıkes mer­zimimen salystyrǵanda taýar aınalymy eki esege jaqyn ( 89,0 mln. dollar) artqan. 2011 jyl­dyń 1 qyrkúıegine deıin respýb­lıkamyzda lıtvalyq kapıtaldyń qatysýymen 160 birlesken kásip­oryn tirkelse, onyń 91-i búgingi tańda jumys isteýde eken. Olar negizinen kóterme jáne bólshek saýda, óńdeýshi ónerkásip, baıla­nys jáne aqparat, kólik jáne logıstıka salalarynda qyzmetter atqarady. Kólik tranzıti ynty­maq­tastyǵy qos eldiń ózara is-qımylyndaǵy mańyzdy baǵyt bolyp tabylady. Lıtva tarapy Qazaqstannyń kólik sa­lasyna ınvestısııa quıýǵa, Klaıpeda por­tyna Qazaqstan bızne­si­niń qaıta oralýyna jáne eki el­diń temir jol qurylymdarynyń ynty­maqtasa túsýine múddelilik tanytýda. Bıznes-forýmdaǵy negizgi áńgime de osy baılanys­tar­dy ári qaraı damytý baǵytynda órbidi. Ábdirahman QYDYRBEK.