Akter Astana ákimi Áset Isekeshevpen birge aǵash otyrǵyzyp, «Bes qurlyq» atty balalar fılmderiniń festıvaline qatysty. Sonymen qatar onyń Astanada "Almas qylysh" fılminiń prodıýseri men rejısseri Rústem Ábdirashevpen kezdeskeni habarlandy.
Bir qyzyǵy, basqa da tanymal adamdardyń kelgenine qaramastan álem nazary Nıkolas Keıdjge aýdy. Nıkolas Keıdjge shapan kıgizgen sáttegi sýrettiń búkil álemge tarap ketkeni sonsha, ol týraly tanymal Huffington Post ta jazdy. "Nıkolas Keıdjdiń Qazaqstanǵa barýy óte mańyzdy bolyp kórinbeýi múmkin, biraq onyń sýreti birden álem nazaryn ózine aýdardy", deıdi basylym.
In other news, Nicolas Cage is in Kazakhstan. pic.twitter.com/ceAk0ktgqy
— Fabrice Deprez (@fabrice_deprez) 23 ııýlıa 2017 g.
Nicholas Cage in Kazakhstan in our traditional attire lmao pic.twitter.com/MAAWpB8skC
— Adil4Real (@adil_4_real) 23 ııýlıa 2017 g.
Please tell me he's there to film the ultimate action movie/ buddy-comedy: pic.twitter.com/eRR0iq0P6q
— Josh Thompson (@jdthmpsn) 23 ııýlıa 2017 g.
Atalǵan sýrettiń keń taralýyna baılanysty "Evrazııa" kınfestıvaliniń Prezıdenti Aıman Musaqojaeva pikir bildirdi. "Onyń uıqysy qanbady. Kele salysymen akterdi baspasóz konferensııasyna, basqa da sharalarǵa shaqyryp, ústine shapan japtyq. Iаǵnı, ol tańerteń kele salysymen jumysqa kiristi. Al AQSh-pen ýaqyt ereksheligi 12 saǵat ekenin eskerý kerek. Ol kezde Amerıkada tún edi", dedi ol.
Onyń aıtýynsha, elimizge birinshi ret kelgen Nıkolas Keıdjge Qazaqstan unaǵan. Akter Astananyń medıa ortalyǵyna bergen suhbatynda da qazaqstandyqtardyń qonaqjaılyǵyn erekshe atap ótip, alǵysyn bildirgen.
