Basqosýdyń resmı bóliginde Papýa-Jańa Gvıneıanyń energetıka jáne munaı departamentiniń xatshysy Kepseı Pýıe sóz sóılep, kórermenge xalqynyń sálemin jetkizdi. «Elimizdiń jeti mıllıon xalqy atynan Qazaqstandy shyn júrekten quttyqtaımyz. Osyndaı tańǵajaıyp elge, Astana sııaqty keremet qalaǵa shaqyrǵandaryńyz úshin myń da bir alǵys aıtamyz! Shyny kerek, men ózim kórmeniń sapasyna da, jergilikti xalyqtyń mádenıeti men qonaqjaı iltıpatyna da rıza boldym», dedi K.Pýıe. Onyń aıtýynsha, Papýa-Jańa Gvıneıa terrıtorııasy jaǵynan Islandııadan keıingi ekinshi aral ári Tynyq muhıtyndaǵy eń úlken memleket bolyp sanalady. Ol jerde myńdaǵan taıpalar 800-den astam tilde sóıleıdi.
Atalǵan memleket álem qurlyǵynyń 0,5 paıyzyn ǵana alyp tursa da, barlyq flora men faýnanyń 5 paıyzyna ıe bolyp otyr. Dúnıe júzi boıynsha úshinshi oryndaǵy tropıkalyq orman da Papýa-Jańa Gvıneıada ósedi.
Sharanyń ekinshi bóliginde papýalyqtar dástúrli ónerlerin ortaǵa saldy. Papýa-Jańa Gvıneıanyń turǵyndary kez kelgen meıram kezinde túrli-tústi kıimderin kıip jınalyp, bı bıleıdi, án aıtady, bir-birine syı-sııapat jasaıdy.
