Olar aldymen «Radýga» JShS-ne qarasty «RıM Kazagro» kompanııasynyń sehyn aralady. Munda tez pisetin tańǵy as mázirleri daıyndalady. Táýliktik qýattylyǵy on tonnany quraıdy. Kelesi jyly taǵy bir óndiristik júıe iske qosylmaq. 80 adam eńbek etedi, on adam áleýmettik baǵdarlama boıynsha ornalasqan.
«Buǵan deıin bul ónimderdi Reseıden, Qytaıdan aldyrsaq, endi ózimizde óndiriletini, syrtqy naryqqa baǵdarlanýy qýantady», – deıdi senator E. Sultanov.
Jumysyn toqtatqan «Soltústik kirpish» zaýytynynyń qaıta jandanǵany baıqalady. Oǵan ınvestorlar qarjy quıyp, iske qosypty. 90 mıllıon teńgege sheteldik jabdyqtar satyp alynǵan. Endi kúnine 17 myń dana kirpish óndire alady. Kásiporyn dırektorynyń orynbasary Aleksandr Rýjenskıı halyq qalaýlylaryn óndiris ornynyń tynysymen tanystyrdy. Qosymsha seh ashylsa, kúndik qýattylyǵy 120 myń kirpish shyǵarýǵa deıin artyp, jumys orny 60-qa deıin ulǵaıady.
Ujymdarmen kezdesýde senator Olga Perepechına kóptegen jeńildikti memlekettik baǵdarlamalar jumys isteıtinin, jyl basynan beri joǵary palatada 110 zań qaralyp, 80-i qabyldanǵanyn jetkizip, qordalanǵan problemalardy birlesip sheshýge shaqyrdy.
О́mir Esqalı,
«Egemen Qazaqstan»
Soltústik Qazaqstan oblysy
