A.Qydyrbaeva baspasóz máslıhatynda Ult jospary sheńberinde kózdelgen sot reformalarynyń sátti iske asyrylǵanyn atap ótti. Atap aıtqanda, ol Ult jospary sheńberinde júrgizilgen reformalardyń sot tóreligin júzege asyrýdyń tıimdiligine oń yqpal etkenin jetkizdi.
«Aıtalyq, esepti kezeńde sottarda azamattyq isterdi qaraý merzimi eki esege qysqardy. Isterdiń 62,5 paıyzy jeńildetilgen is júrgizý tártibinde qaralýda. Sot buıryǵy, daýlardy sheshýdiń balamaly tásilderi jáne medıasııa tártibinde qaralǵan ister sany edáýir artty. Kelisimdik tártiptegi qylmystyq ister sany 43 paıyzǵa, qysqartylǵan negizdegi ister sany 3,5 esege kóbeıdi», dedi Joǵarǵy Sottyń mamandandyrylǵan sot alqasynyń tóraıymy.
Sonymen qatar ol sýdıalyqqa kandıdattardyń jasy 30-ǵa deıin ulǵaıtylǵanyn jetkizdi.
О́z baıandamasy barysynda spıker Joǵarǵy Sot janyndaǵy Sot tóreligi akademııasynyń alǵashqy túlekteri qanat qaqqanyn da sóz etti.
«Joǵarǵy Sot janyndaǵy aıryqsha mártebege ıe Sot tóreligi akademııasy 2016 jylǵy 18 aqpanda Prezıdent Jarlyǵyna sáıkes quryldy. Jumys istep júrgen sýdıalardyń biliktiligin arttyrý jáne qoǵamnyń sot tóreligine senimin nyǵaıtýǵa qabiletti jańa formasııadaǵy sot kadrlaryn daıarlaý jańa JOO-nyń negizgi mindetteri bolyp tabylady. Bıyl Sot tóreligi akademııasyn 51 túlek bitirip shyqty», dep atap ótti A.Qydyrbaeva.
Sonymen qatar, spıker jańa ereje boıynsha 191 sýdıa iriktelgenin, onyń ishinde 140 sýdıanyń kásibı qyzmeti baǵalanǵanyn baıandap, jalpy alǵanda, sýdıalar korpýsy ózderiniń kásibı biliktilikterin rastap kele jatqandyqtaryn jetkizdi.
Sońynda Aıgúl Qydyrbaeva ınvestısııalyq daýlar boıynsha sot isin júrgizýdiń qorytyndylaryna toqtalyp, 2017 jyldyń birinshi jartyjyldyǵynda atqarylǵan jumystardyń nátıjesine de sholý jasady.
Raýan QAIDAR,
«Egemen Qazaqstan»
