Sessııada elimiz 2018-2019 jyldarǵa Kodeks Alımentarıýs komıssııasynyń Eýropa boıynsha BUU janyndaǵy Azyq-túlik jáne aýyl sharýashylyǵy men Dúnıejúzilik densaýlyq saqtaý uıymdary (BUU AAU/DDU) Úılestirýshi komıtetiniń tóraǵasy bolyp taǵaıyndaldy.
Qazaqstan quramyna Eýropa aýmaǵy men Ortalyq Azııany qosa alǵanda 52 memleket kiretin AAU/DDU-nyń Úılestirýshi komıtetine 2003 jyldan bastap múshe bolyp tabylady.
Jalpy, Kodeks Alımentarıýs komıssııasynyń negizgi mıssııasy tamaq ónimderiniń qaýipsizdigin jáne álemdik deńgeıde adal saýdany qamtamasyz etý, tamaq ónimderine arnalǵan halyqaralyq standarttardy jáne taǵam qaýipsizdigin qamtamasyz etýdiń basshylyqqa alynatyn qaǵıdattaryn ázirleý bolyp tabylady.
Eýropa boıynsha AAU/DDU-nyń Úılestirýshi komıtetine tóraǵalyq etý Qazaqstanǵa Ekonomıkalyq yntymaqtastyq jáne damý uıymy (EYDU) elderiniń tájirıbesi boıynsha taǵam qaýipsizdigin qamtamasyz etý úshin ulttyq strategııany tıimdi iske asyrýǵa, bıznesti qolaıly júrgizý úshin taǵam standarttaryn úılestirýge jáne qoldanýǵa, eldiń eksporttyq áleýetin arttyrýǵa, otandyq ónimderdi álemdik naryqqa jyljytýǵa jáne halyqaralyq ǵalamdyq ekonomıkaǵa ıntegrasııalanýǵa múmkindik beredi.
Aıta ketý kerek, 50 jyldan astam ýaqyt ishinde Kodekstiń múshe elderi halyqaralyq naryqtarda iske asyrylatyn tamaq ónimderiniń standarttaryn kelisý boıynsha jumystar júrgizýde. Bul standarttar tutynýshylardyń qaýipsizdigin, qoǵamdyq densaýlyq saqtaý salasyn jaqsartýǵa, elder arasyndaǵy artyq saýda kedergilerin qysqartýǵa, memleketterge Kodeks standarttarymen kepildik berilgen sapaly jáne qaýipsiz taǵam ónimin satyp alýǵa jol ashady.
Eske sala ketsek, Kodeks Alımentarıýs komıssııasy BUU Azyq-túlik jáne aýyl sharýashylyǵy uıymy men Dúnıejúzilik densaýlyq saqtaý uıymynyń birlesken úkimetaralyq organy bolyp tabylady. Ol álemniń 7 geografııalyq aımaǵynan 188 múshe eldi qamtıdy.
«Egemen-aqparat»
