Jańa nusqanyń buǵan deıingiden aıyrmashylyǵy – jumys berýshiler ótinish, al izdeýshiler ózi týraly aqparat qaldyrady. Qalalyq jumyspen qamtý ortalyǵynyń málimetinshe, qosymshany júktep alý kólemi búginde 5 myńdy quraıdy.
Mobıldik qosymsha men áleýmettik jelilerdiń arqasynda qoldanýshylar eńbek naryǵyndaǵy bos jumys oryndary týraly bilip, kásibı mamandyǵyna qatysty testten óte alady, sonymen qatar túıindemeni qalaı durys toltyrý qajet, áńgimelesý kezinde suraqtarǵa qalaı jaýap berý kerektigi týraly aqparat alýǵa bolady. Jumys berýshiniń mindetteri men quqyqtary týraly da aqparat bar.
Sondaı-aq qosymshada josparlanǵan sharalar, kýrstar, bos jumys oryndary jármeńkesi, sheberlik synyptarynyń tizimi jazylǵan.
«Astana qalasy ákimdiginiń jumyspen qamtý ortalyǵy» KMM óz jumysynda Facebook, Tvıtter, Instagram jáne VKontakte áleýmettik jelilerin belsendi qoldanady. Olarda 3 myńnan astam qoldanýshy tirkelgen.
Qazirgi ýaqytta Astana jumyssyzdyqtyń eń tómengi deńgeıi boıynsha aldyńǵy orynda tur. Bul kórsetkish respýblıkalyqtan 0,3% pýnkt tómen.
Elordada jumyssyzdyq deńgeıi 2017 jyldyń I toqsanyna 4,6%-dy quraıdy
