Delıkatester zaly bazarǵa eki aı boıy júrgizilgen kúrdeli jóndeý jumysy kezinde ashyldy. Ǵımarattyń tóbesin aýystyryp, jaryqdıodty jaryqtandyrý ornatyldy. Et shabatyn oryn qajetti sanıtarlyq qalypqa keltirildi. Et zalyna júrgizilgen jóndeýoryndy qosymsha 14sórege kóbeıtýge múmkindik berdi.
Ulttyq et ónimderi delıkatesi bólmesindegi qabyrǵalar men edenniń gıdroızolıasııa jasaldy. Tot baspaıtyn jańa ústelder ornatyldy.
«Bul bólmede operasııa jasaý bólmesindegideı taza: sanıtarlyq-gıgıenalyq jaǵdaı qatań saqtalady. Bólmege beınebaqylaý kamerasy ornatylǵan, al monıtor jalpy zalǵa qoıylǵan. Satyp alýshy qazy men shujyqqa tapsyrys bergende olardyń daıyndalý prosesin baqylap otyra alady», - dedi «Astana» ÁKK» UK AQ Áýez Qarabalaev.
EKSPO kórmesin ótkizý kezindegi ózgerister tutynýshyǵa qyzmet kórsetý salasyna túbegeıli ózgeris ákeldi. Barlyq zaldardaǵy mańdaıshadaǵy jazýlar úsh tilde: nemis, aǵylshyn jáne fransýz tilderinde jazylǵan.
«Eger sheteldik qonaqtar saýda jasaýǵa bizdiń bazarǵa keletin bolsa, shtattyq aýdarmashynyń kómegimen kez kelgen saýdasyn jasaı alady», - dedi Á.Qarabalaev.
Astanadaǵy «Shapaǵat» kommýnaldyq bazary tutynýshylar eń kóp keletin saýda orny: kún saıyn 5 myńǵa jýyq adam saýda jasaıdy. Demalys jáne mereke kúnderi bul kórsetkish eki-úsh esege kóbeıe túsedi.
