«Bıyl aǵylshyn tili kýrstaryna 12 myń muǵalim jazylǵan. Onyń ishinde 4 myń muǵalim aǵylshyn tili kýrstaryn bastap ketti. Jańa oqý jylynan bastap 8 myń muǵalim kýrstaryn bastaıdy. Onyń ártúrlisi bar, 3, 6, 9 aı bolyp bólinedi. Eger muǵalim 9 aılyq kýrstan ótetin bolsa, onda onyń jumys orny, jalaqysy saqtalyp, qosymsha shákirtaqysy tólenedi. Jol shyǵyny óteledi. Kýrsty aıaqtaǵannan keıin aǵylshyn tilinde sabaq bere alatyn bolsa jalaqysyna 25 paıyz ústeme qosylady»,- dedi Erlan Saǵadıev BAQ ókilderiniń saýalyna oraı.
Aıta keteıik, 2019 jyldan bastap 10-11 synyptarda keıbir pánder aǵylshyn tilinde oqytylatyn bolady. Osyǵan baılanysty qazirgi ýaqytta eki jyldan keıin aǵylshyn tilinde oqytylatyn pánderdiń muǵalimderi tildik kýrstardan ótýde.
