Keshe EXPO-2017 halyqaralyq mamandandyrylǵan kórmesi bel ortasynan asty. Dál osy kúni Ispanııa koroldigi pavılonynda eki júz myńynshy qonaǵyn qarsy aldy. Ol shyraıly Shymkent qalasynan kelgen 53 jasar zeınetker - Maıra Ahmetova boldy.
- Búgin EXPO-2017 kórmesin aralaýǵa nemerem Aısýmen birge keldim. О́zim Ispanııada bolmasam da, pavılon óte unady. Mamandandyrylǵan kórmeden alǵan áserim keremet, tipti sózben aıtyp jetkize almaımyn! Ispanııa pavılonyna erekshe qonaq bolǵanyma qýanyshtymyn, - deıdi Maıra Qurmanbekqyzy.
Ispandyq uıymdastyrýshylar eki júz myńynshy qonaqqa sertıfıkat pen túrli syılyqtar tabys etti.
Aıta keteıik, Ispanııa Koroldigi Kórmege «Ǵalamsharǵa arnalǵan energııa» taqyrybymen qatysýda. Pavılon óz kelýshilerin jańǵyrtylatyn energııany qoldaný arqyly keńistik pen ýaqytty kezip ótetin qyzyqty saıahatqa shaqyrady. EXPO-2017 kórmesi 2017 jyldyń 10 qyrkúıegine deıin jalǵasady.
