Ispandyq Carros de Foc kóshe teatry jerorta teńizindegi memleketterdiń kóshe mádenıetimen tanystyrýda. Pavılonnyń dızaınymen birdeı kıingen ártister ulttyq bılerin bılep, ulttyq aspapta erekshe áýenderin oryndady. Shoý tolyǵymen ıspan halqyna tán minezdi kórsetýge arnalǵan. Bıdiń birinshi bólimi kerbez ásemdikti pash etse, ekinshi bólimi balalyq shattyqqa toly.
.jpg)
Qoıylymdy kórýge barǵanymyzda kórermender bir qoldan shapalaq soǵyp, ásem áýen yrǵaǵymen birge bılep turdy. Baǵdarlama aıaqtalǵan soń Carros de Foc kóshe teatrynyń basshysy Mıgel Martınmen áńgimelesý sáti buıyrdy.
- Mıgel myrza, qoıylym týraly oqyrmandarymyzǵa tolyǵyraq aıtyp berseńiz?
- EXPO-2017 kórmesi úshin bizdiń teatr arnaıy baǵdarlama ázirledi. Ispanııa pavılonynyń qasbetinde beınelengen Alberto Korasonnyń Pavesas Encendidas (laýlaǵan ot) atty sýreti ártisterdiń kóńilinen shyǵyp, jańa qoıylymǵa shabyttandyrdy. Baǵdarlamada órkenıettiń irgetasyn qalap, adamzatqa jaryqty syılaǵan tuńǵysh energııa – ot qýaty beınelengen. Qazaqstanǵa 4 gımnast, 4 akrobat, 2 mýzykant keldi
- Teatrdyń tarıhyna toqtalyp ketseńiz...
- Teatr 1994 jyly Ispanııada quryldy. Bastapqyda el ishinde óner kórsetken ártister, ýaqyt óte kele kórshi jatqan jerorta teńizi aýmaǵyndaǵy memleketterge saparǵa shyǵa bastady. Qazirgi ýaqytta álemge tanymal kóshe teatryna aınalyp, tamyz aıynda AQSh-tyń Nevada shtatynda uıymdastyrylyp jatqan halyqaralyq óner festıvaline qatysýdy josparlap otyrmyz.
.jpg)
- EXPO-2017 kórmesi týraly áserińizben bólisseńiz
- Biz álemniń ár kontınentinde óner kórsetsek te, Qazaqstanǵa birinshi ret at basyn buryp otyrmyz. Halyqtyń qonaqjaılylyǵy men meıirimdiligi tań qaldyrady. Osy aptada Qazaqstan ulttyq pavılonyn aralap shyqtym. Shyny kerek, buǵan deıin ómirimde osyndaı tehnologııalardy kórmedim. Jasyl energetıka týraly mol aqparat aldym. Biz kórmege kelgenimizge rızamyz jáne kórsetilgen qoshemet úshin úlken alǵysymyzdy bildiremiz!
- Áńgimeńizge kóp raqmet!
Aıgúl ShERNIIаZ
«Egemen Qazaqstan»
