2011 jylǵy 3 tamyz Astana qalasy
Dene shynyqtyrý-sport uıymdarynyń (sport klýbtary) qyzmetin uıymdastyrý erejesin bekitý týraly
«Dene shynyqtyrý jáne sport týraly» Qazaqstan Respýblıkasy Zańynyń 23-babynyń 21) tarmaqshasyna sáıkes buıyramyn:
1. Qosa berilip otyrǵan Dene shynyqtyrý-sport uıymdarynyń (sport klýbtary) qyzmetin uıymdastyrý erejesi bekitilsin.
2. Sport komıteti osy buıryqty zańnamada belgilengen tártippen Qazaqstan Respýblıkasy Ádilet mınıstrligine memlekettik tirkeýge usynsyn jáne memlekettik tirkelgennen keıin ony buqaralyq aqparat quraldarynda resmı jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Týrızm jáne sport vıse-mınıstri M.E. Omarovqa júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Mınıstr T.ERMEGIIаEV.
Qazaqstan Respýblıkasy Týrızm jáne sport mınıstriniń 2011 jylǵy 3 tamyzdaǵy №02-02-18/153 buıryǵymen bekitilgen
Dene shynyqtyrý-sport uıymdarynyń (sport klýbtary) qyzmetin uıymdastyrý erejesi
1. Jalpy erejeler
1. Osy Ereje Dene shynyqtyrý-sport uıymdarynyń (budan ári - klýbtar) qyzmetin uıymdastyrýdyń tártibi men sharttaryn retteıdi jáne menshik túrine jáne vedomostvolyq baǵynystylyǵyna qaramastan, barlyq sport klýbtary úshin úlgi bolyp tabylady. 2. Klýbtar óz qyzmetinde Qazaqstan Respýblıkasynyń «Dene shynyqtyrý jáne sport týraly», «Qoǵamdyq birlestikter týraly», «Jaýapkershiligi shekteýli seriktestikter týraly», «Aksıonerlik qoǵamdar týraly», «Memlekettik múlikter týraly» Zańdary men Qazaqstan Respýblıkasynyń Eńbek, Azamattyq Kodeksterin jáne osy Ereje men klýb Jarǵysyn basshylyqqa alady. 3. Klýb jarǵysy uıymdastyrýshylyq qurylymdy, qyzmet baǵytyn, qyzmet túrleri men nysandaryn , klýbtardyń qyzmetkerleri men músheleriniń quqyqtary men mindetterin belgileıdi. 4. Klýbtar oqý-jattyǵý, jarysý, dene shynyqtyrý-saýyqtyrý jáne tárbıe qyzmetin júzege asyratyn zańdy tulǵa bolyp tabylady jáne ár túrli uıymdastyrýshylyq - quqyqtyq nysandarda qurylady. 5. Klýbtar memlekettik organdarmen, sondaı-aq Qazaqstan Respýblıkasynyń jáne shet elderdiń organdarymen, dene shynyqtyrý-sport uıymdarymen, qoǵamdyq birlestikterimen yntymaqtasyp, ózara áreket etedi. 6. Klýbtar respýblıkanyń memlekettik organdarymen, qoǵamdyq, kommersııalyq uıymdarymen, qoǵamdyq birlestikterdiń odaqtarymen (qaýymdastyqtarymen) sharttar boıynsha «Memlekettik áleýmettik tapsyrys týraly», «Memlekettik satyp alý týraly», «Qoǵamdyq birlestikter týraly», «Memlekettik emes uıymdar týraly» Qazaqstan Respýblıkasynyń Zańdarynda kózdelgen belgili bir jumystardy atqarady. 7. Klýbtar respýblıkalyq jáne halyqaralyq sporttyq uıymdarmen ózara áreket etedi, álemdik sporttyq qozǵalystaǵy el retinde Qazaqstan Respýblıkasynyń bedeline jan-jaqty yqpal etedi. 8. Klýbtar dene shynyqtyrý jáne sport salasynda kelisimder jasaıdy, halyqaralyq sharttar men tıisti memleketterdiń zańnamasynyń negizinde tıisti kelisim - sharttar jasaýǵa, halyqaralyq kommersııalyq emes úkimettik emes birlestikterge ujymdyq múshe retinde kiredi jáne halyqaralyq quqyq, halyqaralyq sharttar men tıisti memleketter zańnamalarynyń jalpyǵa birdeı qaǵıdattary men normalarynyń negizinde shet memleketterde óziniń qurylymdyq bólimshelerin (fılıaldaryn) qurady. 9. Klýbtar: 1) sport túrleri boıynsha kásiptik; 2) salalyq klýbtar, kásiporyndardyń jáne uıymdardyń klýbtary bolýy múmkin.2. Klýbtardyń maqsattary men mindetteri
10. Sport túrleri boıynsha kásiptik klýbtar myna maqsattarda qurylady: 1) Qazaqstan Respýblıkasynda sport túrin damytý; 2) sport rezervin jáne halyqaralyq dárejedegi sportshylardy daıyndaý; 3) sporttyq jáne olımpıadalyq jáne paralımpııalyq qozǵalystardy damytý. 11. Kásiptik klýbtardyń negizi mindetteri: 1) sport rezervi men halyqaralyq dárejedegi sportshylardy daıyndaý úshin jaǵdaı jasaý; 2) kúshti sportshylardy anyqtaý jáne sport rezervin daıyndaý; 3) sport seksııalarynda, oqý-jattyǵý jıyndarynda sabaqtardy uıymdastyrý jáne sporttyq is-sharalar ótkizý; 4) materıaldyq-tehnıkalyq bazany nyǵaıtý jáne damytý; 5) tájirıbe almasý jáne jańa sporttyq jetistikterdi engizý maqsatynda el ishindegi jáne sheteldegi klýbtar arasynda baılanystardy ornatý jáne damytý boıynsha jumystar júrgizý bolyp tabylady. 12. Salalyq klýbtar, kásiporyndardyń jáne uıymdardyń klýbtary myna maqsattarda qurylady: 1) halyqtyń túrli toptaryn, onyń ishinde ardagerler men múgedekterdi (árbir azamattyń múddesin eskere otyryp) dene shynyqtyrý jáne sportpen jıi aınalysýǵa keńinen tartý; 2) salamatty ómir saltyn nasıhattaý, belsendi demalystar uıymdastyrý, dene daıyndyǵynyń deńgeıin arttyrý, erik-jigerlik jáne azamattyq-otansúıgishtik qasıetterdi qalyptastyrý; 3) klýb músheleriniń dene shynyqtyrýmen jáne sportpen shuǵyldanýy úshin jaǵdaılar jasaý; 4) buqaralyq sport qozǵalysyn qalyptastyrý. 13. Klýbtardyń negizgi mindetteri: 1) Qazaqstan azamattarynyń dene, rýhanı jáne azamattyq-otansúıgishtik tárbıesine belsendi yqpal etý, olardyń kúndelikti ómirine dene shynyqtyrý men sportty engizý; 2) sport seksııalary men saýyqtyrý baǵytyndaǵy toptarda klýbtyq sabaqtardy uıymdastyrý, buqaralyq dene shynyqtyrý-saýyqtyrý jáne sporttyq is-sharalardy ótkizý; 3) densaýlyq jaǵdaıynda aýytqýshylyǵy bar jáne dene daıyndyǵy nashar azamattardyń densaýlyǵyn nyǵaıtýǵa baǵyttalǵan jumystar júrgizý; 4) spartakıadalar, buqaralyq sporttyq jarystar, sport merekelerin, jarystarǵa qatysý úshin sportshylardy daıyndaý boıynsha oqý-jattyǵý jıyndaryn ótkizý; 5) buqaralyq dene shynyqtyrý-saýyqtyrý jáne sporttyq jumystardy uıymdastyrýda kásiporyndarǵa, uıymdar men mekemelerge, sonyń ishinde bilim mekemelerine kómek kórsetý; 6) sport túrlerin úılesimdi ári teń quqyly damytý úshin jaǵdaılar jasaý; 7) dene shynyqtyrýdy, sport pen salaýatty ómir saltyn belsendi nasıhattaý, nashaqorlyqtyń, maskúnemdiktiń, shylym shegýdiń damyýyna qarsy, sondaı-aq quqyqbuzýshylyqtar men balalardyń qańǵybastylyǵyn boldyrmaýǵa baǵyttalǵan jumystardy júrgizý;3. Klýbtardyń qyzmetin uıymdastyrý
14. Sport túrleri boıynsha klýbtardyń qyzmeti: 1) joǵary jetistikter sporty salasyndaǵy óndiristik-sharýashylyq qyzmetti júrgizý, sonyń ishinde sport rezervin, sport túrlerinen Qazaqstan Respýblıkasy qurama komandalaryna úmitkerler men múshelerdi daıyndaý; 2) sport rezervin jáne sport túrleri boıynsha ulttyq qurama komandalardyń múshelerin ortalyqtandyrylǵan daıyndaýdy uıymdastyrý; 3) oqý-jattyǵý baǵdarlamalaryn jáne sportshylardyń jeke daıyndyq josparlaryn iske asyrý; 4) sportshylardy daıarlaýdy ǵylymı-ádistemelik, medısınalyq qamtamasyz etý, aldyn alý jáne qalpyna keltirý is-sharalaryn júrgizý ; 5) sportshylardyń jeke daıyndyq josparlaryna jáne sporttyq-buqaralyq is-sharalar kúntizbesine sáıkes olardyń respýblıkalyq, halyqaralyq jarystarǵa qatysýyn qamtamasyz etý; 6) jattyqtyrýshy-oqytýshy quramnyń biliktiligin jáne taǵylymdamasyn arttyrý boıynsha jumystar uıymdastyrý; 7) dene shynyqtyrý men sport salasyndaǵy jetekshi mamandardy, jattyqtyrýshylardy, ǵylymı qyzmetkerlerdi, medısına qyzmetkerlerin shaqyrý arqyly semınarlar, kýrstar uıymdastyryp, ótkizý; 8) sportshylardy tabeldik sport kıimderimen, quraldarmen jáne jabdyqtarmen qamtamasyz etý; 9) oqý-tárbıe jáne mádenı qyzmetterdi; 10) qalpyna keltirý ortalyqtarynyń, densaýlyq bólmeleriniń, psıhologııalyq demalý bólmeleri men klýbtardyń basqa da saýyqtyrý qurylymdarynyń qyzmetterin uıymdastyrý; 11) jattyqtyrýshylar keńesi, tóreshiler alqasynyń qoǵamdyq komıssııasyn qurý jáne jumysyn uıymdastyrý; 12) dene shynyqtyrý men sportty odan ári damytýdy josparlaý; 13) óz qyzmeti týraly aqparattar taratý; 14) óz músheleriniń quqyqtary men zańdy múddelerin sottarda jáne basqa da memlekettik organdarda, ózge de qoǵamdyq birlestikterde bildirý jáne qorǵaý; 15) sharttar men kelisimder jasaý; 16) halyqaralyq kommersııalyq emes úkimettik emes sporttyq birlestikterge kirý; 17) buqaralyq sport jarystaryn, halyq spartakıadalaryn, oqý-jattyǵý jıyndaryn, basqa da buqaralyq dene shynyqtyrý-saýyqtyrý is-sharalaryn qarjylandyrý; 18) jetekshi jattyqtyrýshylarmen jáne sportshylarmen kelisim - sharttar jasaý arqyly júzege asyrylady.4. Klýbty basqarý
15. Klýbtardyń menshik nysanyna jáne vedomstvolyq tıistiligine qaraı uıymdastyrýǵa jáne onyń qyzmetine jalpy basshylyq jasaýdy, quryltaıshy, basshy (dırektor), klýbtardyń jalpy jınalysy (budan ári – klýb basqarmasy) júzege asyrady. 16. Klýbtardyń basqarmalary: 1) klýbtar qyzmetiniń strategııalyq jáne basym baǵyttaryn aıqyndaıdy; 2) klýbtar qyzmetkerleriniń shtattyq sanyn bekitedi; 3) klýbtarǵa múshelikke qabyldaý men klýbtardan shyǵarýdy júzege asyrady; 4) oqý-jattyǵý jumystarynyń josparyn bekitedi; 5) kiris jáne shyǵys smetalaryn bekitedi; 6) klýbtyń shtattyq qyzmetkerlerine syıaqy berý jáne eńbek tártibin buzǵany úshin jaýapkershilikke tartý týraly sheshim qabyldaıdy; 8) kelisim - sharttar negizinde klýb qyzmetkerlerine jalaqy mólsherin bekitedi; 9) klýbtardyń quryltaı qujattaryna ózgerister men tolyqtyrýlar engizedi; 10) óz quzyreti sheginde halyqaralyq sharttar men kelisimder jasaıdy; 11) halyqaralyq úkimettik emes birlestikterge ujymdyq múshelikke kirý týraly sheshim qabyldaıdy. Klýbtar basqarmasy keminde jarty jylda bir ret otyrys ótkizip, onda komıssııanyń, seksııalardyń, toptardyń, komandalardyń esepterin talqylaıdy jáne ótkizilgen dene shynyqtyrý-saýyqtyrý men buqaralyq-sporttyq is-sharalardyń qorytyndylaryn shyǵarady, sondaı-aq klýbtardyń qyzmetin jetildirý jónindegi usynystardy qaraıdy.5. Klýbtardyń materıaldyq-tehnıkalyq bazasy men qarjy-sharýashylyq qyzmeti
17. Klýbtardyń qarajattary mynalardyń esebinen qalyptasady: 1) quryltaıshylardyń qarajattarynyń; 2) memlekettik áleýmettik tapsyrys; 3) klýbtar músheleriniń kirý, jyldyq jáne basqa da jarnalarynyń; 4) erikti qaıtarymsyz jarnalardyń, qaıyrymdylyq jáne demeýshilik qarajattyń; 5) bank nesıeleriniń; 6) aqyly sporttyq is-sharalardy ótkizýden túsken kiristerdiń; 7) klýbtarǵa tıesili sporttyq ǵımarattardy, bazalardy, jabdyqtardy paıdalanǵany úshin uıymdar men azamattardan alynatyn kiristerdiń; 8) klýbtardyń óndiristik, jarnama-baspalyq qyzmetinen túsetin kiristerdiń; 9) sheteldik odaqtardyń (qaýymdastyqtardyń), klýbtardyń, qoǵamdyq birlestikter men jekelegen azamattardyń erikti jarnalary men qaıyrymdylyqtarynyń; 18. Jarnalar, onyń ishinde klýb músheleriniń jáne uıymdardyń materıaldyq salymdary, klýb múlki, kásipkerlik pen ózge de qyzmetten túsken paıdalar klýbtardyń jeke menshigi bolyp tabylady, bólinýge jatpaıdy. 19. Klýbtar fılıaldarǵa olardyń qyzmetine qajetti múlikterdi, quraldar men jabdyqtardy beredi. 20. Sporttyq kıimderdi, jeke jáne ujymdyq paıdalaný quraldaryn satyp alý sportpen aınalysýshylardyń, quryltaıshylardyń, demeýshiler men klýb qarajatynyń esebinen júrgiziledi. 21. «Memlekettik statıstıka týraly» Qazaqstan Respýblıkasy Zańyna sáıkes Klýbtar statıstıkalyq esep júrgizedi jáne onyń durystyǵyna jaýap beredi. 22. Klýbtardy qaıta qurý jáne taratý tártibi Qazaqstan Respýblıkasynyń azamattyq zańnamasymen retteledi. Buıryq Qazaqstan Respýblıkasynyń Ádilet mınıstrliginde 2011 jylǵy 25 tamyzda Normatıvtik-quqyqtyq kesimderdi memlekettik tirkeýdiń tizilimine №7145 bolyp engizildi.
