Kórme alańyndaǵy kezdesýler Qytaı kompanııalarymen tıimdi jumys isteý úlgisin qalyptastyrady. Negizgi taqyryp – ınvestısııalyq áriptestik damýy, birlesken jańa kásiporyndar qurý jáne eki jaqty taýar aınalymyn ilgeriletý.
«Biz qytaılyq dostarymyzben jáne seriktesterimizben iskerlik áriptestikti nyǵaıtý maqsatynda EKSPO alańyn tıimdi paıdalanýdamyz. Osylaısha Memleket basshysy Nursultan Nazarbaevtyń Qazaqstan ekonomıkasyna sheteldik ınvestısııany tartý boıynsha tapsyrmasyn oryndaýǵa úles qosý ústindemiz. Barlyǵymyz Qytaıdyń Eýrazııa qurlyǵynda jáne álemde moıyndalǵan ekonomıkalyq kóshbasshy ekenin bilemiz. Bizdiń kásipkerler aýyl sharýashylyǵy, týrızm, jańa tehnologııalar salalarynda úlken tájirıbesi bar kóp ultty provınsııa – Iýnnanmen tanysty. Bul shahar Qytaıdyń ońtústik qaqpasy ekenin jaqsy túsinýimiz kerek. Sondyqtan Qazaqstan aımaqtary osy provınsııamen iskerlik qarym-qatynasty barynsha nyǵaıtý qajet», deıdi Investısııalyq áriptestik agenttiginiń basshysy Aıdyn Baıedilov.
Ashat RAIQUL,
«Egemen Qazaqstan»
Sýretterdi túsirgen
Orynbaı Balmurat,
«Egemen Qazaqstan»
