«Biz – munaı men gaz qorynyń joqtyǵyna qaramastan, iri oıynshylardyń qatarynanbyz. Aıtalyq, Djýrong aralyn álemdegi eń iri munaı hımııasyn óńdeý zaýyttarynyń birine aınaldyrdyq. Dese de, ózekti máseleler de joq emes. Olardy sheshý maqsatynda árdaıym jańa ıdeıalardy jetildirip, jıi synaqtan ótkizip otyramyz. Qazirgi tańda álemniń alpaýyt memleketteriniń bizdiń elge erekshe qyzyǵýshylyq tanytýy da sondyqtan dep oılaımyn», deıdi Sıngapýrdyń saýda jáne ónerkásip aǵa mınıstri Ko Po Kýn.
«Aral-memleket» atanyp ketken el álem nazaryna úzdik jobalaryn usynyp júr. Máselen, dúnıe júzindegi eń úlken jerasty salqyndatý júıesi Sıngapýrdyń «Marına Beı» qarjy ortalyǵynda ornalasqan. Salqyndatylǵan sý ǵımarattarǵa jiberiledi. Osylaısha, tutynýshylar qýat kózin 40 paıyzǵa deıin únemdeı alady. «Astana EKSPO-2017» UK» AQ basqarma tóraǵasy Ahmetjan Esimovtiń aıtýynsha, Sıngapýrda qysy-jazy kún ystyq. Aýa raıy ylǵaldy keledi. Osy máseleni sheshý úshin ǵımarattyń aýasyn salqyndatý jobasyn oılap tapqan. Qazir bul ádiske qyzyǵýshylar kóp.
Ashat RAIQUL,
Sýretterdi túsirgen
Orynbaı Balmurat,
«Egemen Qazaqstan»
