Jergilikti naryqta birneshe jyl buryn paıda bolǵan bul kásiporyn ónimderi sońǵy ýaqytta keń suranysqa ıe bolǵan. Búginde zaýyt oıynshyq kóliktiń 10 túri men qurastyrǵyshtyń 5 túrin shyǵarady. О́nimniń ár bólshegi jeke-jeke daıyndalyp, sońynan qurastyrýǵa jiberiledi.
«Qazaqstanda jasalǵan» taýar belgisi bar oıynshyqtar Shymkent qalasynyń bazarlary men oblysymyzdyń barlyq aýdandarynda satylýda. О́ndirýshilerdiń aıtýynsha, baǵasy qytaılyq oıynshyqtardan eki ese arzan. Kásipkerler bul oıynshyqtar barlyq halyqaralyq ekologııalyq talaptarǵa saı keledi deıdi. Plastmassasy - sapaly, ýly emes. Sondyqtan, oıynshyqtar bala densaýlyǵy úshin qaýipti emes dep sendiredi óndirýshiler.
Kásipkerler eki óndiristik júıeni satyp alýǵa qarjyny «Bıznestiń jol kartasy – 2020» baǵdarlamasy aıasynda alǵan. Kásiporynnyń óndiris qýaty aıyna úsh myń ónimnen asady. Degenmen, óndiris kólemin 10 myń danaǵa deıin kóbeıtý múmkindigi bar.
Qazirgi tańda kásiporyn óndirisi tolyǵymen jolǵa qoıylǵan. Jaqynda kásipkerler ındýstrıaldy aımaqtaǵy jańa ǵımaratqa kóshti. Endi óndiris qýatyn arttyryp, taıaý jáne alys shetel naryǵyna shyǵýdy josparlap otyr.
