Golovkın karerasyndaǵy 5 mańyzdy sát

Genanyń teńdessiz sheberligine tańǵalǵandarǵa onyń ómir joly úlgi ispetti. Taıaýda kásipqoı boks týraly aqparat taratatyn tanymal boxingnewsonline.com saıty Golovkınniń qazirgi jetistigine jetkenge deıingi 5 mańyzdy sátin atap kórsetipti. 

«Qyrkúıektiń 16-sy kúni T-Mobaıl arenasynda orta sal­maq­­tyń chempıony Golovkın Saýl Al­vares Kanelomen judyryq túı­istirip, bıylǵy eń ma­ńyzdy jáne kóp kútil­gen jekpe-je­gin ótkizedi. Meksı­kalyqpen bo­­latyn aıqas aldynda qazaq boks­shy­synyń este qalarlyq 5 sátin usynyp otyrmyz» – dep jazady boxingnewsonline.com saıty. 

Genanyń karerasyndaǵy eń áýel­gi mańyzdy sát – áýesqoı rıng­tegi teńdessiz nátıjesi dep esep­teıdi maqala avtory. «Ká­sip­­qoı rıngte kó­te­ril­gen­ge deıin ol Qazaq­stan­­da aty shy­ǵyp, áýesqoı boks­­ta 345 már­te jeńiske je­tip, 5 kez­de­sýde ǵana uty­lyp, teń­des­siz nátıjege qol jet­kiz­di. 2003 jyly Taılandta ót­ken álem chempıonatynda altyn me­da­l jeńip alǵannan keıin Go­lov­­kın­niń ataǵy odan ári asqaqtady» – dep ja­zady boxingnewsonline.com. Ma­qala avtorynyń pikirinshe, Afı­ny Olımpıadasy (2004 jyl) Gena­nyń sporttyq ómirindegi eń ma­ńyzdy sát. Sondaı-aq, baıraqty bá­se­keniń kú­misi kásipqoı bokstaǵy tań­ǵa­lar­lyq taǵdyrynyń irgetasy boldy deıdi avtor. 

Gennadııdiń kásipqoı rıngtegi kezeńi kelesi bir mańyzdy sát Abel Sanchespen kelisimge kelýi ekeni­ne toqtalady. «Kásipqoı rıngke aýys­qan soń Golovkın aǵaıyndy Klıch­kolar sekildi Medıson Skver Gardende jekpe-jek ótkizýdi maq­sat etti. Armanyna jetý úshin ol K2 promoýterlik kompanııasy­men kelisimshart jasasyp, arda­ger bapker Abel Sanchestiń qara­m­a­ǵyna keldi» – dep málimdeıdi boxingnewsonline.com. Maqalada bapkerdiń jas qazaq boksshysyna birden kóńili tolǵany aıtylǵan. «Sanches meksıkalyqtardyń joı­qyn­dyǵyn Golovkınniń baıqampaz áýesqoı shyǵys stılimen baılanys­tyr­dy. Nátıjesinde, soqqysy dóp tı­e­tin, jaýjúrek boksshy qa­lyp­tas­ty. 

Maqalaǵa den qoıar bolsaq, 2010 jy­ly 14 tamyzda tuńǵysh ret ká­sip­qoı bokstan chempıony» ataný­y – Golovkınniń ómirindegi úshin­shi mańyzdy sát. Sol kezde Gena ko­lým­bııalyq Mılton Nýnespen WBA Interim tujyrymdamasyna ta­la­sqan bolatyn. «Golovkınniń qar­sylasy jekpe-jek bastala sala qo­jyrap, kózdi ashyp-jumǵansha 58 se­kýnd ishinde Golovkın Nýnesti no­kaý­tqa jiberdi. Qazaq WBA Interim bel­digin alǵan, alaıda bir jyldan keı­in WBA-nyń turaqty chempıony atandy».

Boxingnewsonline.com Golov­kın­­niń kelesi bir mańyzdy qadamy dep Kell Brýkpen ótkizgen jekpe-je­gin esepteıdi. Atalǵan kezdesý Genanyń Ulybrıtanııadaǵy tanymaldyǵyn arttyrýǵa sebep boldy. Esterińizde bolsa, bul jek­pe-jek byltyr 10 qyrkúıekte Lon­­donda ótken edi. Jekpe-jektiń 5-raý­n­dynda Golovkınniń nóserdeı jaý­­ǵan soqqylaryna Brýktyń shyda­ma­ǵa­nyn kórgen bap­ker­le­ri shá­­kirtiniń jeńilgenin moıyndap, sharshy alań­daǵy aıqasty merziminen bu­ryn toqtatqan bolatyn. Maqala avto­ry­nyń sózine súıensek, Genanyń kar­erasyndaǵy besinshi mańyzdy sát retinde Danıel Djeıkobspen ót­ken jekpe-jek esepteledi. Orta sal­maq­taǵy álemniń eki myqty boksshysy ótkizgen kezdesýde amerıkalyq byl­ǵary qolǵap sheberi Golovkınge ájep­teýir qarsylyq kórsetti dep tápsirleıdi boxingnewsonline.com. Áıtse de, Maıqudyqtyń maıtalmany qarsylasyna des bergen joq. 

Gennadıı Golovkın kelesi jek­pe-jegin 18 qyrkúıekte Las-Vegasta Saý­l Alvareske qarsy ót­ki­zed­i. Aldaǵy kezdesýde Genanyń 4 bel­digi, WBA tujyrym­da­ma­sy­nyń sýper chempıony, WBC tujy­rym­­da­masynyń chempıony, IBF tu­jy­­rym­damasynyń chempıony, IBO je­ńimpazy ataqtary men The Ring jýr­nalynyń beldigi sarapqa salyna­dy. Bul – Golovkınniń kásipqoı rıng­tegi 38-shi jekpe-jegi. Gena áli birde-bir ret jeńilip kórgen joq. Qyrkúıektegi kezdesýde de Maı­qudyqtyń maıtalmany jeńisti jolyn jalǵastyrady dep senemiz. 

Aǵylshyn tilinen ázirlegen 
Abaı ASANKELDIULY,
«Egemen Qazaqstan»