Han qylyshy tabyldy

Ol – bolat­tan jasalǵan qy­lysh. Súıekten jasalǵan tutqa-saby­nyń tómengi bó­lik­teri synǵan. Eptep totyq­qan. Qylysh­tyń júzindegi kóp­tegen kertpe izderi onyń áskerı qaq­tyǵystarda paıda­lanyl­ǵandyǵyn kórsetse kerek. Qaıqylanǵan pishin­degi qylyshtardy «jataǵan qy­lysh» dep te ataıdy. Qy­lysh­­­tyń ótkirlengen júzi­ne qarsy betiniń jarty tútik pishindi bolyp kelýi, qylysh­tyń áskerı áreket­terde qarsy­lasty tek shabý úshin ǵana emes, túıreý maq­satyna da arnalǵandyǵyn ańǵartyp tur. Júzi men saby­nyń túıisken jeri jezben kómkerilgen.

Bul qylyshty bire­geı jádigerler qataryna jatqy­zý­ǵa múmkindik beretin ózge­she belgisi bar. Ol – qylysh saby­nyń tómengi bóligindegi 1798 jyl­dan 1809 jylǵa deıin Qoqan hany bolǵan Alım Han ne­mese Buhara ámirliginiń soń­ǵy bıleýshisi Seıd Mir Muhammed Alım hannyń aty ja­zyl­ǵan jeke mór bederiniń túsirilýi bolyp otyr. Buǵan de­ıin handar ustaǵan, tu­tyn­ǵan zattar bul qoryq-murajaıda kez­despegen.

HIH ǵasyr men HH ǵasyr­dyń basyn­daǵy qazaq tarıhy­na qatysty máli­met kózi sanala­tyn mun­daı jádiger­ler tarıh aq­tań­daqtaryn aı­qyndaýǵa sep bolar tyń ja­ńalyqtarǵa qol jetkizýge múmkindik berýi bek múmkin. Onyń ústine mundaı bel­gili bir tarıhı tulǵa esiminiń jádi­ger betinde kezdesýi onyń eks­ponat tur­ǵy­syndaǵy qun­dy­lyǵyn art­tyra túsetini belgili. 

«Egemen-aqparat»