Jyl basynan elordalyq polıseıler jaıaý júrginshilerdiń jol qozǵalys erejesiniń 6000-nan astam buzýshylyǵyn tirkedi, salynǵan aıyppul somasy 50 476 906 teńge.
Polıseılerdiń sózine qaraǵanda, qabyldanyp jatqan sharalar men ákimshilik jaýapkershilikke qaramastan, jaıaý júrginshiler jol qozǵalys erejesine áli de salǵyrt qaraýda. JKA aldyn alý úshin elordalyq jol polısııa qyzmeti 4-5 tamyz aralyǵynda «Jaıaý júrginshi» aksııasyn ótkizedi. Apatty-qaýipti jol ýchaskelerinde jol-patrýl qyzmetiniń jumysy kúsheıtiledi.
- Jaıaý júrginshiler ótpejoldarmen, ol bolmaǵan jaǵdaıda joldyń jıegimen júrýi tıis. Jaıaý júrginshiler joldy arnaıy jaıaý júrginshiler ótpejoly (onyń ishinde jerasty) arqyly qıyp ótýi qajet. Iаǵnı belgilenbegen jerde joldy qıyp ótýge bolmaıdy, - dedi tártip saqshysy.
