(Sýret tengrinews.kz saıtynan alyndy)
Ústimizdegi jyly Astana qalasynyń ákimdigi qurylys jumystaryn júrgizip, birneshe qatar kóshelerge jol ashty.
- Joldar A.Baıtursynov kóshesinde Q.Amanjolov kóshesinen «Nurly jol» temirjol vokzalyna deıin (A62 kósh.), J.Nájimedenov –Q.Amanjolov kóshesinen jańa «Nurly jol» temirjol vokzalyna deıin (A62 kósh.), A62 kóshesinde «Nurly jol» temirjol vokzaly aýmaǵynda, №24 kóshesinde Qabanbaı batyr dańǵylynan Máńgilik el dańǵylyna deıin, Túrkistan jáne Aqmeshit kóshelerinde Orynbor kóshesinen Kereı, Jánibek handar kóshesine deıingi aýmaqta, Aqmeshit kóshesinde Kereı, Jánibek handar dańǵylyna deıingi aýmaqtan №24 kóshesine deıin jáne №26 kóshesinen Uly dala dańǵylyna deıin, №31 kóshesinde Qabanbaıbatyr dańǵylynan Nura-Esil arnasyna deıin, №357, 496, 498 kóshelerinde №31 kósheden órt deposyna deıin joldar ashyldy, - dep habarlady Astana qalasynyń kólik joldary basqarmasy basshysynyń orynbasary Asqar Isakov.
Budan bólek Máńgilik El dańǵyly men №31 kóshe qıylysy mańynda aýmaǵy 40 myń sharshy metr 1,5 myń kólikke shaqtalǵan turaq qurylysy aıaqtaldy.
Búgingi tańda aýmaǵy 25 shaqyrym elorda joldaryna orta jónde júrgizildi.
Buǵan qosy osy jyldyń qarasha aıynyń sońyna deıin Saraıshyq kóshesindegi Turan dańǵylynan Sh.Beısekova kóshesine deıin uzyndyǵy 3 shaqyrym jol ashylady. Sh.Beısekova kóshesindegi Syǵanaq kóshesinen Uly Dala dańǵylyna deıingi aýmaqta qashyqtyǵy 2,9 shaqyrym jol qurylysy bastalady.
- Bul shara Turan, Qabanbaı batyr, Máńgilik el, Qorǵaljyń tasjolyndaǵy qozǵalysty azaıtýǵa septigin tıgizedi,- deıdi A.Isakov.
Qalanyń áleýmettik nysandaryna ınjenerlik jeliler men keletin joldar tartý úshin birqatar kóshelerde qurylys jumystary júrgizilýde, onyń ishinde S.Seıfýllın jáne N.Tilendıev dańǵyly 4 kóshe jalpy uzyndyǵy 5,3 shaqyrym: Qoshqarbaev kóshesi aýdanyndaǵy 7 kóshe jalpy aýmaǵy 9,1 shaqyrym; Syǵanaq kóshesiniń ońtústik aýmaǵynda Qulager» TK, «Shyǵys» TK aýmaǵynda kóshe qurylysy bastaldy.
Joldardy qalypqa keltirý jáne salý jumystaryna 1 myńnan astam adam jumyldyrylǵan. Jyl sońyna deıin orta jóndeý jumystarymen 89 kóshe qamtylady, uzyndyǵy 79,9 shaqyrym.
Orta, aǵymdaǵy jóndeýge 630 adam jumyldyrylady. Budan bólek, «Jumyspen qamtýdyń jol kartasy-2020» baǵdarlamasy boıynsha 174 adam, 80 birlik mamandandyrylǵan tehnıka eńbekkke tartylady.
Jyl boıy joldardaǵy oıylǵan jerlerdi jamaýǵa 15 brıgada jumyldyrylǵan.
Aǵymdaǵy jyly «Screpton» materıalyn qoldaný arqyly 50 kóshede jalpy aýmaǵy 27 shaqyrym jol qurylysyn júrgizý josparlanýda.
