«О́te qaıǵyly jaǵdaı. Artynda otbasy, balalary qaldy. Qoldan kelgenshe materıaldyq kómek kórsetiledi. Qazir olardyń maǵlumattaryn oblystan da surap jatyr. Oblystyq ákimdikten de kómek bolyp qalýy múmkin. Ázirge qandaı kólemde ekenin aıta almaımyn. Aýdan ákimi issapardan kelgen soń belgili bolady», - dedi Shýhrat Qurbanov.
Eske sala keteıik, tótenshe jaǵdaı búgin tańerteń Panfılov aýdanynda Sholaqaı aýylyna jaqyn jerde bolǵan. Júgeri egistigin óńdeýge shyqqan IаK-12 ushaǵy qulap, artynan órtene bastaǵan.
Bortta 54 jastaǵy ushqysh, Qaraǵandy oblysynyń týmasy Hamıt Aqbergenov pen 39 jastaǵy jolaýshy, «Arshıdınov» sharýa qojalyǵynyń basshysy Másimjan Másimov bolǵan. Ekeýi de qaza boldy.
Qazir oqıǵa ornynda Taldyqorǵan kólik prokýrory, Almaty-1 stansasy Ishki ister Jelilik bólimi, Altynkól stansasynyń jelilik bólimi, Panfılov aýdandyq TJD mamandary jumys istep jatyr.
Atalǵan derek Almaty áýejaıynyń QR QK 344 babynyń 3 bólimi boıynsha sotqa deıingi biryńǵaı tergeý isi reestrine tirkeldi. Mınıstrlik tótenshe jaǵdaıdyń sebepterin anyqtaý úshin tekserý jumystary týraly buıryq shyǵarmaq.
Mamandardyń aıtýynsha, atalǵan ushaqtyń ushýǵa qajetti barlyq qujattary bolǵan.
Sondaı-aq, QR IDM kólik oqıǵalary men oqys oqıǵalardy tekserý departamentiniń basshysy Jánibek Taıjanov Almaty oblysynda IаK-12 ushaǵynyń qulaýynyń yqtımal sebepterin málimdedi.
Onyń aıtýynsha, áýe kemesi jerge tıgende apatqa ushyraǵan bolýy múmkin.
