Taraptar áńgime barysynda eki eldiń saıası, ekonomıkalyq jáne mádenı-gýmanıtarlyq yntymaqtastyǵyna qatysty aýqymdy máselelerdi talqylady. Senat Tóraǵasy orynbasarynyń aıtýynsha, Qazaqstan ulttyq múddelerdi halyqaralyq arenada ilgeriletýde Býharesti senimdi áriptes retinde tanıdy jáne olardyń Ortalyq Azııa aımaǵyna qatysty bastamalaryn qoldaýǵa ázir. S.Gromov Qazaqstan áriptestikti nátıjeli iske asyrýǵa jáne ortaq kún tártibindegi barlyq máseleler boıynsha ekijaqty qatynastardy tereńdetýge qatysty jumystardy údetýge ázir ekenin atap ótti.
Kezdesý kezinde Qazaqstan men Rýmynııanyń yntymaqtastyǵyn nyǵaıtýda mańyzdy ról atqaratyn parlamentaralyq baılanystardy odan ári damytý jáne tereńdetý qajettigi jóninde ortaq pikir aıtyldy.
Senat Tóraǵasynyń orynbasary EKSPO-2017 halyqaralyq kórmesine qatysqany jáne BUU Qaýipsizdik Keńesine turaqty emes múshesi bolýda Qazaqstandy qoldaǵany úshin rýmyn jaǵyna alǵys aıtty.
Kezdesýdiń qorytyndy bóliginde júzdesýshiler halyqaralyq terrorızmmen, dinı ekstremızmmen, esirtki saýdasymen jáne qazirgi zamandaǵy basqa da qaýip-qaterlermen kúreste aýqymdy halyqaralyq sharalarda birlesken kúsh-jigerdiń mańyzdylyǵyn atap ótti.
