Ýaqytpen úndes ýnıversıtet

Erkindigimizdi alyp, eńsemizdi tiktegeli de jıyrma jylǵa taıap qaldy. Bul ýaqyttaǵy ara­lyq­ty Qazaq eliniń úsh ǵasyrdan keıingi órleý men gúldenýi deýge bolady. О́ıtkeni, ózgege jaltaqtamaı, óz sózimizdi týra aı­tatyn kezge jetip, bereke-birlikke uıyp, yntymaqty tirlikke uıytqy bolǵan shattyqqa toly kúnge qaraı óttik. Endi bir-eki aıdan keıin, mine, osy esh nársege teń kelmeıtin, basqaǵa teń­ger­meı­tin eldigimizdiń 20 jyldyq mereıtoıyn bú­kil jurt bolyp jumylyp, atap ótkeli otyrmyz. Sol aıtýly kún, alqaly sátke arnap, basylym sýret pen sózdi ush­tas­tyryp, aıqara bet shyǵarý jónindegi jo­bany qolǵa aldy. Sonyń alǵashqy jarııa­lanymy Memleket basshysynyń bastama­symen ómirge kelip, álemdegi tańdaýly ýnıversıtetterdiń qataryna qosylýdy maqsat etken, ózderin ulttyq brendke aı­nal­dyrýǵa bel sheshe kirisken Nazarbaev Ýnıversıtetine arnalyp otyr. Búginde «Nazarbaev Ýnıversıteti» arqaýynda naryq suranysyna baǵdarlanǵan joǵary oqý ornynyń ınnovasııalyq modeli qalyptasty­rylý­da. Ol barlyq joo-lar úshin úlgi bolýy kerek. Qazaqstan Respýblıkasynyń Prezıdenti N.Nazarbaevtyń Qazaqstan halqyna 2011 jylǵy Joldaýynan ELBASY Nursultan Nazarbaev 2010 jyl­ǵy Qazaqstan halqyna Jol­daýyn­da: «Bilim berý salasynda Astana qala­synda qurylyp jatqan biregeı oqý oryndary – «Jańa halyqaralyq Ýnıversıtet», «Arnaýly Qor» jáne qazirdiń ózinde tabysty jumys istep jatqan «Intellektýaldyq mektepter» sekildi jobalar erekshe basymdyqqa ıe bolmaq. Men olardyń meniń esimimdi alýyna kelisim berdim. Olardyń otandyq bilim berý júıesiniń flagmany bolyp, osy zamanǵy oqý baǵdar­lamalaryn keıinnen olardy búkil respýblıka boıynsha engizetindeı etip ázirleý men baıqap kórý jónindegi basty alańǵa aınalýy úshin qoldan kelgenniń bárin jasaý qajet», degen edi. Sol irgeli oqý orny qazir jumys istep jatyr. NAZARBAEV Ýnıversıteti ınno­va­sııa­lyq zertteý qyzmetin júrgizýge baǵyt­talǵan qazirgi zamanǵa saı kúshti ǵylymı ınfraqurylymy bar ýnıversıtet bolýdy maqsat etip otyr. Jańa zamanǵy bul joǵary oqý ornyna eń úzdik ulttyq jáne halyq­aralyq zertteýshiler shaqyryldy. Olarǵa shyǵar­ma­shylyq qyzmetti júzege asyrý úshin barlyq qajetti jaǵdaılar jasalǵan. Oqý ornynda 2010-2012 jyldarǵa arnalǵan ýnıversıtetti damytý strategııasy bekitilgen. Bilim orda­synyń akademııalyq jáne ǵylymı saıası ýnı­versıtettiń quramyna kiretin mektepterdiń (ıns­tıtýttardyń) árqaısysy álemniń jetekshi joǵary oqý oryndarynyń sany­nan sheteldik akademııalyq seriktes­tiń já­ne kúshti  ǵylymı, klınıkalyq, óndiristik bazanyń bolýy jos­par­lanǵan. Bul eldiń ındýs­trııa­lyq-ınnova­sııa­lyq damý maqsattaryn sheshý úshin bilim, ǵylym jáne óndiristiń arasyndaǵy ózara baılanysty qamtamasyz etýge múmkindik beredi. ÝNIVERSITETTIŃ ınfraqurylymyna keletin bolsaq, ol elordamyzdyń sol jaǵalaýyndaǵy qalanyń ekologııalyq taza bóligine ornalasqan. Oqý ornynyń sáýleti qazirgi zamanǵa jáne úzdik batys standartyna saı. Barlyq oqý ǵımarattary bir-birimen ortaq atrıým jáne ishki ótý dálizderi arqyly baılanystyrylǵan. Mundaı qurylym keshenniń búkil tutastyǵyn jáne sáýletiniń ereksheligin kórsetedi. Zerthanalarǵa, sol sekildi basqa da ǵımarat­tarǵa qyzmet kórsetý bas ǵımarattyń syrtyndaǵy aınalma jol arqyly júzege asyrylǵan. Qury­lystyń jalpy kólemi 122 myń sharshy metrdi quraıdy. Ýnıversıtettiń strategııalyq maqsat­tary týraly aıtqanda, birinshiden – ǵylym men tehnologııada tyń tendensııalardy qurýǵa jáne damytýǵa qabiletti kásibı mamandardyń jańa urpaǵyn qalyptastyrý; ekinshiden – bilimge negizdelgen ulttyq ekonomıkanyń turaq­ty jáne onyń jan-jaqty damýyna yqpal etetin bilim, ǵylym jáne óndiris ıntegra­sııa­synyń modelin qurý;  úshinshiden – oqý baǵdar­la­malaryn ınternasıo­nal­dandyrý jáne álemdik joǵary oqý oryndary­men seriktestik qarym-qatynas arqyly álemdik bilim modelin qalyp­tas­tyrý; tórtinshi­den – bilim alý úshin jaǵ­daılardy qamtamasyz etetin qazirgi zamanǵa saı tehno­lo­gııalyq ınfraqury­ly­myn qurý; sondaı-aq, álem­dik ýnıversıtettermen jáne ǵylymı orta­lyq­tarmen birlesken ǵylymı zertteýlerdi ótkizý; besinshiden – áleýmettik professorlyq-oqytý­shy­­lardyń qura­myn qurý jáne otandyq oqy­týshy­lardyń múmkin­dikterin arttyrý; al­tyn­shydan – ýnı­ver­sıtettiń ulttyq jáne halyq­ara­lyq bedelin qalyptastyrý. ELBASY Nursultan Nazarbaevtyń bastamasymen qurylǵan bul ýnıversıtet keleshekte elimizdiń zııatkerlik elıtasyn qalyptastyrýdy maqsat etip otyr. Sóz etip otyrǵan joǵary oqý orny bilim berý júıesiniń basymdyq­tarymen álem­dik úzdik ǵylymı bilim praktı­kasyn úılesimdi baı­lanys­tyratyn Qazaqstan­nyń ulttyq brendi bolýǵa arnalǵan. Onyń ıkemdi qurylymy bilim, ǵylym men óndiris ara­syndaǵy ózara baılanys­ty qam­tamasyz etýge, sondaı-aq tıimdi akademııalyq ortany qurýǵa múmkindik beredi. Qazir Nazarbaev ýnıversıteti álemniń 30 úzdik joǵary oqý oryndary qataryna kiretin ýnıversıtettermen yntymaqtastyq týraly kelisim-shart­tar­dy bekitken. Olardyń ishinde: UCL (University College London), Duke University, iCarnegie, Uni­ver­sity of Wis­consin-Madison, UPenn  (University of Pennsylvania), LKY School of Public Policy (National  University of Singapore), t.b bar. Memleket basshysynyń sheshimimen ýnıversıtet ashyl­ǵannan bergi eki jyldyń ár­qaısysynda 500 bilim berý granttary bólinip, tek sol boıynsha ǵana jastar bilim alyp  jatyr. Eń bastysy, bul oqý ornyna naǵyz júzden júırikter ǵana túse alatynyn aıta ketýimiz kerek. ÝNIVERSITETTE 4 zertteý orta­ly­ǵy jumys isteıdi. Olar: О́mir tý­raly ǵylymdar, Balama energetıka jáne Halyqaralyq-pánaralyq, ınstrýmentaldyq,  bilim berý saıasaty zertteýler ortalyqtary. Bul ortalyqtar ozyq ǵylymı zertteýlerdi júrgizý úshin eń jańa zerthanalyq qural-jabdyqtarmen jaraq­tal­ǵan. Sondaı-aq, 6 mektep (fakýltet) bakalavrıat boıynsha – ınjenerııa, jaraty­lys­taný, gýmanıtarlyq ǵylym­dar mektebi, medısına mektebi, magıstratýra jáne PhD baǵdarlamasy boıynsha 2012 jyldan bastap, memlekettik saıasat jáne bıznes mektebi jumys isteıtin bolady. О́TKEN jyly ulttyq bilim berý jú­ıe­siniń barlyq artyqshylyq­tary­men úzdik álemdik ǵylymı bilim berý tájirıbesin qamtıtyn, bolashaqta Otany­myz­dyń ulttyq brendine aınalatyn erekshe úlgidegi halyqara­lyq jańa ýnıversıtettiń ashylý rásiminde Memleket basshy­sy Nur­sultan Nazarbaev: búgin Asta­namyzda dúnıe­júzin­de teńdesi joq Qazaqstandaǵy tuń­ǵysh halyq­aralyq ýnıversıtet ashaıyq dep otyr­myz. Qalamyzdaǵy Eýrazııa ulttyq ýnıversıteti elimizdegi eń bastaýysh ýnıversı­tet­terdiń biri bolyp sana­lady. Biraq bul jańa ýnıver­sıtettiń maǵynasy men jaǵ­daıy múlde basqa. Ýnıversıtet bıyldan bastap, óz jumysyn bastaıtyn bolady. Memleket esebinen 500 oqý granty bólinip otyr. Elimizdiń bola­shaq zııatkerlik elıtasyn qalyptastyrý maq­satynda qurylǵan oqý orny bilim berý júıesiniń basymdyqtary men úzdik ǵylymı bilim prak­tı­kasyn úılesimdi baılanys­tyratyn Qazaqstan­nyń ulttyq brendi bolýǵa arnalǵan. Bul jas­tar­ǵa eldiń bolashaǵyna arnalǵan syılyq, degen edi. Joǵarydaǵy fotosýretter Elbasy sóziniń dáleli sekildi. Ýnıversıtet stýdentteri qazir oqý, al oqytýshylary jumys ústinde. Daıyndaǵan Súleımen MÁMET, Sýretterdi túsirgen Orynbaı BALMURAT.