Aksııa qunynyń 1,6 paıyzǵa joǵarylaýy arqasynda Amazon kompanııasy negizin qalaýshynyń baılyǵy birden 1,4 mlrd dollarǵa artty. Endigi onyń jaǵdaıy 90,5 mıllıard dollardy qurap otyr. Bul Bıll Geıtsten 500 mıllıonǵa kóp.
О́tken jyldyń tamyz aıynda álemdegi eń baı adamdardyń tiziminde Zara, Pull&Bear, Massimo Dutti brendteriniń biriktirip turǵan Inditex holdınginiń basshysy Amansıo Ortega Bıll Geıtsti basyp ozǵan bolatyn. Ol kezde Orteganyń dáýleti 78 mıllıard dollarǵa, al Geıtsti 77,9 mıllıard dollarǵa baǵalaǵan. Alaıda, osy jyldyń naýryzynda Microsoft basshysy bul tizimde qaıtadan kósh bastady.
Aıta keteıik, Forbes 1987 jyldan bastap álemdegi barlyq mıllıarderlerdiń jaǵdaıyn baqylaýmen keledi. Al Bezos alǵash ret 1998 jyly jaǵdaıy 1,6 mıllıard dollarǵa jetkende reıtıngige qosyldy.
