Baqytjan Saǵyntaev kremnıı balqytpasyn shyǵarý, tazartý jáne quıý júzege asyrylatyn óndiristik sehtardy aralap shyqty, sondaı-aq kremnııdi aralyq saqtaý qoımasyna bardy.
«Tau-Ken Temir» JShS basqarma tóraǵasy Murat Júkenov QR Premer-Mınıstri Baqytjan Saǵyntaevqa tehnologııalyq úderisterdiń erekshelikteri týraly, sondaı-aq kásiporyndy damytý boıynsha aǵymdaǵy jetistikter men josparlar týraly baıandady.
2018-2019 jyldary 1,5 mlrd teńge somaǵa ınvestısııalyq baǵdarlamany iske asyrý josparlanǵan, ol shıkiquramalyq materıaldar qoımasyn salýdy, parkti jańartýdy jáne tehnologııalyq jabdyqtardy jańǵyrtýdy kózdeıdi.
Kásiporyndy damytý josparlary QR Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn oryndaý aıasynda ónerkásiptik kásiporyndardy tehnologııalyq jańǵyrtý boıynsha Qazaqstanda júrgizilip jatqan jumysqa sáıkes keledi.
«Tau-Ken Temir» JShS kásiporny 2014 jyly paıdalanýǵa berilgen jáne elektrpeshter óndiretin kóshbasshylardyń biriniń biregeı eýropalyq jabdyǵyna ıe. Kásiporynnyń jobalyq qýaty jylyna 24 myń tonna metallýrgııalyq kremnııdi quraıdy. Jobanyń artyqshylyǵy tolyq eksportqa baǵyttalǵandyǵy bolyp tabylady. Kásiporyn ónimderi alys jáne taıaý shetelge, atap aıtqanda AQSh, EO elderine, Reseı jáne Belorýssııaǵa eksporttalady, oǵan qosa ónimdegi qazaqstandyq qamtý 80% quraıdy.
