Jıynda negizgi baıandamany oblystyq ekonomıka jəne bıýdjettik josparlaý basqarmasynyń basshysy Asqar Qojabekov jasady. Baıandamashynyń aıtýynsha, birinshi jartyjyldyqta jalpy óńirlik ónim 3,3 % ósti. О́nerkəsip óniminiń kólemi 329, 4 mlrd. teńgeni qurady. Onyń ishinde óńdeý óndirisi 3,6%-ke ósken. Atap aıtqanda, azyq-túlik óndirisi – 8%, sýsyn shyǵarý – 22,3%, farmasevtıkada -1,8 ese, mashına jasaý – 35,2% artqan.
Farmasevtıkadaǵy ósim oblystaǵy 6 farmzaýyttardyń ónim óndirý kólemin ósirýimen baılanysty. Atalmysh zaýyttar bul kórsetkishti 8 mlrd. teńgege ulǵaıtyp otyr. Atap ótsek, bul 6 zaýyt ta memlekettik ındýstrıaldy-ınnovasııalyq damý baǵdarlamasy sheńberinde paıdalanýǵa berilip, qazirgi kezde oblys ekonomıkasyna óz úlesin qosýda.
Birinshi jartyjyldyqta 39 nysandy iske qosý men keńeıtý arqyly óndiriste qosymsha 665 jańa jumys orny ashyldy.
Aýyl sharýashylyǵynda Agroónerkásip keshendi damytý baǵdarlamasy sheńberindegi qarjylyq qoldaý nátıjesinde ósim 3 %-ti qurady.
Degenmen birqatar aýdandarda shaǵyn jáne orta bıznesti qoldaý sharalarynda, kooperatıvter qurý isinde, ınvestısııa tartýda jáne basqa da mańyzdy kórsetkishterde kemshilikter oryn alǵan. Shaǵyn nesıeni ıgerý Aqsý, Balqash, Eskeldi, Kóksý, Raıymbek, Sarqan, Uıǵyr aýdandary men Qapshaǵaı qalasynda tómen deńgeıde. Aqsý jáne Raıymbek aýdandarynda «Yrys» baǵdarlamasy boıynsha sút taýarly fermalardyń qurylysy áli bastalmaǵan. Baıandamashy ekonomıkanyń basqa da salalaryndaǵy jetistikter men olqylyqtarǵa toqtalyp ótti.
Jıynda Eńbekshiqazaq, Panfılov aýdandarynyń ákimderi, qurylys jáne densaýlyq saqtaý basqarmalarynyń ókilderi sóz alyp, jumys baǵyty týraly aıtty.
Jıyn qorytyndylaǵan oblys ákimi A. Batalov sala basshylary men aýdan, qala ákimderine tıisti tapsyrmalar berdi.
- «Bereke», «Taldyqorǵan» ındýstrıaldy aımaqtaryna ınvestısııa tartýmen túbegeıli aınalysý qajet. Injenerlik júıeleri tartylyp, daıyn turǵan alańdardyń bar ekenin kásipkerlerge, ınvestorlarǵa jetkizip aıtý úshin qajet bolsa ınvestforýmdar ótkizińizder, kórsetińizder, usynyńyzdar. Memlekettik-jekemenshik seriktestikti odan ári damytýymyz kerek. О́nerkásip óndirisinde birinshi jartyjyldyqtyń osy ósim deńgeıin saqtaýǵa tıispiz. Ásirese, júıequraýshy kásiporyndardyń óndiris qarqynyn erekshe nazarda ustańyzdar. Jańa jumys oryndaryn ashý, shaǵyn jáne orta bıznesti qoldaý, shaǵyn nesıeler berý men ony ıgerý, kooperatıvter qurý máselesi de qadaǵalaýda bolsyn, - dedi A. Batalov. Sonymen qatar jylytý maýsymyna daıyndyq sharalaryn, jańa oqý jylynda paıdalanýǵa berilýi tıis jańa mektepterdiń qurylysyn baqylaýdy, turǵyn úı qurylysy máselelerin de turaqty nazarǵa alýdy tapsyrdy.
