Jastar saıasatyna mán berdi

Elimizge kelgen Germanııa Federatıvtik Respýblıka­sy­nyń jastar saıa­saty­men aınalysatyn úkimettik emes jáne qoǵamdyq uıymdar ókilderinen qural­ǵan delegasııa mú­she­lerin Qazaqstannyń Bilim jáne ǵylym mınıstri B.Ju­ma­ǵu­lov qabyldap, jastar saıasatyn talqyǵa saldy. Bular ekinshi Qazaqstan-Ger­manııa jastar forýmyna qatysýshylar bolatyn. Alǵashqy sózdi alǵan Baqytjan Jumaǵulov elimizdegi bilim berý isi men otandyq ǵylymnyń jaıy, jastar saıasaty týraly jan-jaqty áńgimelep berdi. Mem­leketimizde 5 mıllıonǵa jý­yq jastar bolsa, ol búkil halyqtyń 30 paıyzy ekenin jetkizdi. 2004 jyly jastar saıa­sa­ty týraly zańnyń qa­byldanǵanyn, oǵan jaqyn­da ózgertýlerdiń jasal­ǵa­nyn tilge tıek etti. Sol jańa ózgerister boıynsha óńirde jastar saıasaty jó­nin­degi departamenttiń qu­ry­latynynan, oǵan mıllıardtan astam teńge bólinip otyr­ǵanynan dálel-dáıekter kel­­tirdi. Sol sekildi Elba­sy­nyń tikeleı tapsyr­ma­sy­men orta bilim berý, ká­sip­tik-tehnıkalyq oqytý boı­yn­sha da jumystardyń at­qa­rylyp jat­qanyn, bala­lar­dyń 100 paıyz mektepke tartylǵanyn aıtyp, kásip­tik-tehnıkalyq bilim berý úsh memlekettiń tájirı­be­sine negizdelgenin, onyń birinshisi germanııalyq, ekinshisi norvegııalyq, úshinshisi sıngapýrlyq ekenin aıtty. Bizge tıimdisi germanııalyq ekenin, óıtkeni, bul bilim berý úrdisi boı­ynsha 50 paıyz teorııalyq, 50 paıyz prak­tı­kalyq bola­ty­nyn atap ótti. Sondaı-aq áleý­met­tik jastar qury­lym­daryn, stýdentter almasý isin damytý, jastarmen ju­mys isteýdiń san qıly baǵyttary da nazardan tys qalmady. Bola­shaq­ta jastar saıa­sa­ty alkogolızm, shylym shegý, SPID profılaktıka­syn­daǵy zań buzýshylyq áreketteri boı­yn­sha qysqa merzimdi tá­ji­rıbe almasý, semınar, trenıngterdi uıym­das­ty­rý jos­parlanyp otyr­ǵany, aldaǵy ýaqytta Germanııamen tu­raq­ty seriktes bolyp qala berý jaıy qozǵaldy. Bir jyldyń ishinde eki memleket jıyrmadan asa ortaq sharalar ótkizip, júz­ge tarta jas­tar qozǵalysy ókilderi táji­rı­be almasý maqsa­tyn­da Qazaqstan men Germanııada bolyp qaıt­qan eken. О́z kezeginde germa­nııa­lyq delegasııa mú­sheleri Qa­zaq­stanmen osyn­daı ty­ǵyz qarym-qaty­nas­ty al­da­ǵy ýaqytta da jal­ǵastyra beretindikterin aıtty. Súleımen MÁMET.