Astyq tasymalyna arnaldy

«Qazaqstan temir joly» UK» AQ-tyń ortalyq ǵımaratynda kompanııanyń paıdalaný jónindegi basqarýshy dırektory Qanat Álmaǵambetovtiń tóraǵalyǵymen astyq tasymalyna qatysty keńes ótti. Oǵan Kólik jáne kommýnıkasııa mınıstrligi men Aýyl sharýashylyǵy mınıstrligi, «Azyq-túlik kelisimshart» UK» AQ, «Astyq Odaǵy» kompanııasy ókilderi men astyq tasymaldaýshylar, ekspedıtorlar, sondaı-aq júk jóneltýshiler qatysty. «QTJ» UK» AQ Paıdalaný jónindegi bas­qarýshy dırektory Q.Álmaǵam­betov­tiń aıtýyna qaraǵanda, ulttyq kompanııa qyrkúıek aıynda ózderine berilgen tap­syr­many artyǵymen oryndaǵan. Elbasy Nursultan Nazarbaev el ishinde de, syrt­qa da astyq tasymaldaǵanda ony un tú­rinde shyǵarýǵa barynsha kóńil bólý qa­jet­tigin eskertken-di. Osy baǵytty us­tan­ǵan iskerler qyrkúıekte 228 myń tonna un ónimderin tasymaldaǵan. Qyr­kúıek­te belgilengen jospardy asyra oryn­daǵan temirjolshylar 764 myń tonna astyq tıegen. Onyń 521 myń tonnasy eli­miz aýmaǵynda tasymaldansa, 243 myń tonnasy ekportqa shyǵarylǵan. Bul aılarda respýblıkamyzdyń astyq ónim­derin Ázerbaıjan, О́zbekstan, Tá­jik­stan, Iran memleketteri tutyndy. Qazan aıyna josparly tapsyrma 806 myń tonna bolyp belgilengenimen, ony 1 mıllıonǵa deıin jetkizý maqsat etilýde. – Ol úshin Ulttyq kompanııa syrttan keletin vagon kómekterin, sondaı-aq bu­ryn­dary tájirıbeden ótkizilgendeı as­tyq vagondaryn ǵana kútip otyra bermeı, el ishindegi jaqyn aımaqtarǵa ashyq, jabyq vagondardy da paıdalanýǵa ruqsat berip otyr. Oǵan qosa astyqty qap­shyq­tap ta jetkizýdiń joldaryn qarastyra berińizder, – degen Qanat Álmaǵambetov astyq tasymaldaýshylardan qandaı usy­nys bolsa da qaraýǵa ázir ekendikterin jáne aýa raıynyń áli de ashyqtaý kezinde barynsha jedel qımyldaý kezek kút­tir­meıtinin de nazardan tys qaldyrmady. Astyq tasymaldaıtyn vagondardyń jetispeýshiligine baılanysty Úkimettiń sheshimi boıynsha qyrkúıek- qarasha aı­la­rynda aldymen respýblıkaishilik baǵdar­larǵa bıdaı jetkizý kerek. «Azyq-túlik kelisim-shart korporasııasy» UK» AQ tapsyrysymen oblystyq ákimdikterdiń arasyndaǵy memorandýmdyq kelisimderi boıynsha osy aralyqta 500 myń tonna astyq tasymaldaý qajet. Otandyq astyq tasymaldaý kásiporyndaryna vagon jetispegen jaǵdaıda ózderiniń vagon parkin paıdalaný jáne reseılik kom­panııa­lar­dyń vagondaryn jalǵa alý joly usynyldy. Keńes barysynda júk jóneltýshi­ler­ge jáne qabyldaýshylarǵa astyqty kestede kórsetilgendeı der kezinde tıep, belgilengen merzimde túsirýge tapsyrma berildi. Barlyq astyq jóneltýshilermen vagon ıeleri, ekspedıtorlardyń «Qazaqstan temir joly» UK» AQ-pen uıymdasqan túrde jumys jasaý qajettiligi tú­sindirildi. Ábdirahman QYDYRBEK.