«Qazaqstannyń trıatlon federasııasynyń atynan barlyq qatysýshylar men uıymdastyrýshylardy jáne jankúıerlerdi Qazaqstan Respýblıkasynyń tuńǵysh ashyq chempıonatynyń ashylýymen quttyqtaımyn. Uzaq qashyqtyqqa arnalǵan trıatlon búkil álemde keńinen tanymal jáne ol bizdiń elimizde de solaı. Biz keshe ǵana osy jerde, Trıatlon parkinde ITU (International Triathlon Union) uıymynyń qoldaýymen ótken trıatlonnan Azııa Kýbogynyń irikteý kezeńin tamashalap keldik. Atalmysh sport túrin budan ári qaraı tanyta túsý úshin Ironman jarysyn ótkizý qajet bolatyn»,-dedi Kárim Másimov Trıatlonnan QR chempıonatynyń Astanadaǵy ashylýynda.
Onyń sózinshe, jýyrda ǵana WTC (World Triathlon Corporation) uıymymen Astanada Ironman serııasynyń startaptaryn ótkizý jóninde uzaqmerzimdi kelisimge qol qoıyldy.
«Búgingi jarysqa qatysýshylardyń barlyǵyn quttyqtaımyn! Sizderge kelesi jyldyń shildesinde Ironman 70.3 Astana jarysy ótetin trassany synap kórýdiń qaıtalanbas mumkindigi týyp tur. Sizderge «Joldaryńyz bolsyn!» dep tileımiz»,-dep qorytty Kárim Másimov.
Osyǵan deıin habarlanǵanyndaı, 30 shildede Azııa Kýbogynyń aıasynda trıatlonnan Qazaqstan chempıonaty bastaldy. Oǵan 200 sportshy qatysýda. Atalmysh sport dodasyna kásipqoı sportshylar da áýesqoılar da qatysýda. (Olar sýda 1,9 km qashyqtyqty júzip ótip, velosıpedpen 90 km jerdi júrip ótip, jartylaı marafonǵa (21,1 km) júgirýleri kerek. Osynyń barlyǵy bir jarystyń aıasynda bolady)
Jekelegen jarystarmen qatar komandalyq estafeta da ótedi. Shaqyrylǵan qonaqtardyń arasynda tanymal sportshylar bar. Mysaly, olardyń qatarynda veloshabandoz, Olımpıada chempıony, trıatlet Aleksandr Vınokýrovtyń esimin ataýǵa bolady.
