Kásibı sanattaǵy reseılik sportshy Ivan Týtýkın márege birinshi bolyp keldi. Qazaqstandyq trıatlonshy Maksım Krıat ekinshi oryn alsa, úshinshi oryndy ýkraınalyq Vıktor Zemsev ıelendi.
Sondaı-aq, «Astana» komandasynyń burynǵy kóshbasshysy, 2012 jylǵy London Olımpıadasynyń jeńimpazy Aleksandr Vınokýrov chempıonattyń 90 shaqyrymdyq qashyqtyqtaǵy velojarys kezeńinde jeńiske jetti.
Jarysqa barlyǵy 155 adam qatysýda. Olar 1,8 shaqyrymdy júzip ótip, 90 shaqyrymdy velosıpedpen baǵyndyryp jáne 21,5 shaqyrymdy júgirip ótýi tıis. Komandalyq jarysqa 3 adamnan 19 top qatysyp otyr.
Atap ótsek, búgin Qazaqstan Trıatlon federasııasynyń prezıdenti Kárim Másimov barlyq qatysýshyny, uıymdastyrýshylar men kórermenderdi chempıonattyń ashylýymen quttyqtaǵan bolatyn.
