Osynda turatyn qandastarymyz uıymdastyrǵan quryltaıǵa óńirden arnaıy delegasııa qatysyp, ortaqtasyp qaıtty.
Bul jolǵy basqosýdy Berdıýje aýdanynyń ákimshiligi men osynda jumys jasaıtyn qazaqdıaspora ókildigi ótkizip, erekshe qonaqjaılylyq tanytty. Alqaly basqosýda sóılegen sheshender Túmenniń torqaly topyraǵynda osymen 21-shi ret atap ótilgen quryltaıdyń el men eldi baılanystyratyn, halyq pen halyqty jaqyndastyratyn, dostyq atty dańǵyl jolǵa súrleý salatyn tárbıelik mańyzyn, jas býyndy ana tili men ulttyq salt-dástúrlerin, ádet-ǵuryptaryn umytpaýǵa, tanyp-bilýge, qurmetteýge umtyldyratyn ıgi shara ekenin atap kórsetti.
«Jat jerde júrsek te, esh kemdik kórip otyrǵan joqpyz. Qazaqstannyń, Elbasy Nursultan Nazarbaevtyń shette júrgen aǵaıyndarǵa jasap otyrǵan jan-jaqty qamqorlyǵyna sheksiz rızamyz. Buryn jastarymyz ana tilinde sóıleýge uıalatyn. Qazirgi talaptary zor. Biz óz tarapymyzdan túrli baıqaýlar, konkýrstar ótkizip, qal-qadirimizshe muryndyq bolyp kelemiz»,dedi Túmen oblystyq qazaq ulttyq-mádenı avtonomııasynyń tóraǵasy Esimhan Jantasov.
Teriskeılik delegasııany bastap barǵan oblystyq assambleıanyń hatshylyq meńgerýshisi Naıl Salımov eki óńirdi shekara bólip turǵanymen, mádenı-rýhanı tutastyq tereńde jatqanyn, qaı salada bolmasyn berik yntymaq ornaǵanyn aıta kelip, aımaq basshysy Qumar Aqsaqalovtyń atynan syı-
Túmen topyraǵyndaǵy qazaq toıynyń ajaryn balýandardyń kúresi, alaman báıge, dástúrli ánder baıqaýy, qyz syny odan ári asha tústi.
О́mir Esqalı.
«Egemen Qazaqstan».
Soltústik Qazaqstan oblysy..
