Kórme aýmaǵynda ótken mádenı sharaǵa osy eldiń Energetıka mınıstrligi bas dırektorynyń orynbasary qatysty. Mártebeli meıman qazaqstandyqtardy EKSPO-nyń ashylýymen quttyqtap, oǵan qatysýǵa múmkindik bergeni úshin alǵysyn aıtty. Ulttyq kún aıasynda Ortalyq Afrıka memleketi halyq ánderin oryndap, jurtty qaıran qaldyrdy. Búginde Gabonda jasyl energetıka qarqyndy damyp keledi. Mundaǵy balamaly energııa kózderiniń úlesi 2010 jyly 40 paıyzǵa jetti. Al 2020 jylǵa deıin bul kórsetkishti 80 paıyzǵa deıin arttyrý josparda bar. Mundaı jetistikke kári qurlyqtaǵy memleket gıdroenergetıkanyń arqasynda qol jetkizbek.
Bonjan Nan Ngomo, Gabon Energetıka mınıstrligi bas dırektorynyń orynbasary:
- Gabon elinde taý-ken ónerkásibi, orman sharýashylyǵy men týrızmniń áleýeti zor. Iаǵnı bizde munaısyz ekonomıka qalyptastyrý úshin barlyq jaǵdaı jasalǵan. Bizdiń jobalar resýrstardyń balamaly túrlerin izdep, kómirqyshqyl gazynyń bólinýin azaıtýǵa baǵyttalǵan. Osylaısha ekologııalyq taza energııa óndirisine basa nazar aýdaryp otyrmyz.
