Aýyl sharýashylyǵy eksportqa den qoıdy

Atalǵan baspasóz máslıhatyna Aýyl sharýashylyǵy mınıstr­liginiń Veterınarlyq baqylaý jáne qadaǵalaý komıteti tóraǵa­sy­nyń orynbasary Oljas Aýsa­baev, Agroónerkásiptik ke­shen­degi memlekettik ınspeksııa komıtetiniń tóraǵasy Erjan Aına­bekov jáne IIM Ákimshilik polısııa komıtetiniń jol qozǵa­ly­syn qamtamasyz etý salasyn úılestirý bóliminiń basshysy Ǵanı Isabaev qatysty.
Jıynda vıse-mınıstr G.Isae­va bıyldan bastap eks­port­tyq saıa­sat áleýeti naryq­tar­ǵa AО́K ónim­derin maqsatty il­ge­riletý negizinde qurylatynyn atap ótti. Sony­men qatar, «Azyq-túlik kelisim­shart» AQ-tyń men­shikti qara­jaty negizinde AО́K-tiń eksport­tyq ortalyǵy qury­latynyn jet­kizdi. Bul rette, qazaq­stan­dyq ónimderdiń eks­port­tyq áleýetin ilgeriletý úshin basqa elder­men kelissózder júr­gizýge halyq­aralyq uıym már­tebesin ıelený mańyzdy bolyp otyr. 
Atalǵan eksporttyq orta­lyq «KazakhExport» jáne «KazakhInvest» aksıonerlik qoǵam­darymen, sondaı-aq, Qazaqstandaǵy shetel dıplo­ma­tııa­lyq ókilderi arqyly ty­ǵyz yntymaqtastyqta áreket ete­tin bolady. Ortalyq syrtqy na­ryq­tarǵa taldaý júrgizip, da­myǵan elder úshin ónimderdi jyl­jytýdyń jol kartasyn qurý, ónimd­erdi eksporttaý salasynda keńester berip, kelisimsharttar jasasý jáne aýylsharýashylyq taýar óndirýshilerinen ónimdi «forvardtyq» tásilmen satyp alý jumystarymen aınalyspaq. Sonymen qatar, ortalyq aýyl­­sharýashylyq ónimderin saq­tan­dyrýdy qamtamasyz ete otyryp, negizgi brendterdi, sonyń ishinde «KZ Organic Food» brendin alǵa jyljytpaq. 
Qazirgi ýaqytta Qytaı, Iran, BAÁ, Izraıl, Saýd Arabııasy jáne t.b. elderge eksporttala­tyn taýarlardyń kólemin art­tyrý boıynsha jumystar júr­gizilip jatyr. Bul eldermen aýylsharýashylyq ónimderine qoı­ylatyn fıtosanıtarlyq já­ne veterınarlyq talaptar keli­silýde, tasymaldaný bajyn tómendetý jóninde kelissózder júr­gizilýde. Mysaly, QHR tór­-
a­ǵasy Sı Szınpınniń Qazaqstan­ǵa resmı sapary kezinde Qazaqstan­nan Qytaıǵa tasymaldanatyn muz­datylǵan qoı etine qoıylatyn talap­tardyń hattamasyna qol qoıyldy. 
Sondaı-aq, Qazaqstannan Qytaıǵa jáne BAÁ-ge tasymal­danatyn muzdatylǵan qoı etiniń veterınarlyq sertıfıkatyna qol qoıý jumystary júrgizilýde eken. Al Iranǵa eksporttalatyn qoı, muzdatylǵan jáne salqyndatylǵan qoı etin tasymaldaý boıynsha veterınarlyq talaptar kelisilgen. Al Izraılge qoı tasymaldaý boıynsha osy eldiń quzyretti mekemesine hat joldanypty. Sonymen qatar, 2017 jylǵy 25 mamyrda Halyqaralyq epızootıkalyq bıýroǵa múshe elderdiń Bas assambleıasynyń 85-sessııasynda elimizdiń 5 aımaǵy – Almaty, Shyǵys Qazaqstan, Jambyl, Qyzylorda jáne Ońtústik Qazaqstan oblystary aýsyldan va­k-
sınasııalanǵan taza aımaq már­tebesin aldy. Budan bólek, Qazaqstannyń 9 aımaǵy 2015 jy­ly aýsyldan taza aımaq jáne aý­syldy baqylaý jónindegi ult­tyq baǵdarlama negizinde jyl­qylardyń afrıkalyq oba aýrýynan bosatylý jónindegi már­tebesin alǵan bolatyn. Osy­laısha, Qazaqstannyń barlyq aýmaǵy aýsyldan bosatylǵan aı­maq mártebesine ıe. Bul eli­mizge Dúnıejúzilik saýda uıy­my­na múshe elderge mal jáne ósimdik sharýashylyǵy ónimderin eksporttaýǵa, agroónerkásiptik keshe­nniń eksporttyq áleýetin jo­ǵarylatýǵa jáne Qazaqstannyń ekonomıkalyq turǵydan damýyna oń áserin tıgizedi. 
Al Qytaı Halyq Respýblıka­sy­na tasymaldanatyn ósimdik sha­rýa­shylyǵy ónimderine eshqan­daı shekteý joq. Naqty bir tasy­maldanatyn ónim túrlerine fı­to­sanıtarlyq talaptardy anyq­taý úshin mınıstrlik arnaıy jumystar júrgizýde. Sondaı-aq, bıdaıdyń, soıa burshaǵy men bıdaı kebegi partııalaryn eksporttaý jóninde hattamaǵa qol qoıylǵan. Jýyrda jońyshqa men ósimdik sharýashylyǵy ónim­de­ri­niń 31 túrin tasymaldaý boıynsha hattamaǵa qol qoıylady dep kútilýde. 
Qolǵa alynǵan sharalardyń bári elimizdiń agroónerkásiptik keshenin damytýdyń 2017-2021 jyldarǵa arnalǵan memlekettik baǵ­darlamasynyń negizinde iske asy­rylyp jatyr. Bul otan­dyq aýylsharýashylyq taýar óndirýshilerine jańa múm­kin­dikter ashpaq. 
Dınara BITIK,
«Egemen Qazaqstan»