Ekijaqty baılanystardyń deńgeıi joǵary

Áńgime barysynda Senat Tóra­ǵa­­synyń orynbasary S.Gromov As­tana men Parıj yntymaqtas­tyǵy­nyń joǵary deńgeıin jáne onyń kóp­turpatty ekenin atap ótti. «Dıp­lo­matııalyq qatynastar ornaǵan 25 jylda birlesken kúsh-jigerdiń ar­qa­synda Qazaqstan-Fransııa qa­ty­nastary strategııalyq árip­testik deńgeıine kóterildi. Bizdiń Fran­­sııamen belsendi saıası qaty­nas­tary­myz eki eldiń iskerler qaýym­dary arasynda qalyptasqan berik ekono­mıkalyq baılanystar­men nyǵaıa tústi», – dep atap ótti S.Gro­mov. Qazaqstan men Fran­sııa­­nyń parlamentshileriniń parla­ment­aralyq únqatysýlary da júzde­sýshilerdiń oń baǵasyna ıe boldy. 
Kezdesý barysynda Qazaqstan ekonomıkasyn ártaraptandyrý jáne bizdiń elimizde ǵylymı áleýeti zor, joǵary tehnologııalyq jáne eksportqa baǵdarlanǵan óndiristerdi damytý jónindegi iri jobalardy iske asyrýǵa fransýz bıznesiniń atsalysýyna qatysty  pikir almasyldy. S.Gromov fransýz bıznes qaýymdastyǵyn EKSPO-2017 halyqaralyq kórmesi negizinde ashylatyn BUU aıasyndaǵy Jasyl tehnologııalar men ınvestısııalar ortalyǵynyń, Jańa tehnologııalar parkiniń, Astana halyqaralyq qarjy ortalyǵynyń jumysyna qatysýǵa shaqyrdy. 
Kezdesý sońynda S.Gromov fransýz delegasııasyn jyl basynda bizdiń elimizde júzege asqan kons­tıtýsııalyq reformalar men Prezıdent Nursultan Nazarbaev­tyń Qazaqstandy odan ári jańǵyrtý jó­nindegi «Qazaqstan-2050» Stra­te­gııa­sy men Ult josparynda kóz­delgen mindetter týraly habardar etti.