Basqosýdyń resmı bóliminde Qazaqstan tarapynan Aqparat jəne kommýnıkasııalar mınıstri Dəýren Abaev sóz sóılep, Angola eline kórmege qatysqandary úshin alǵys aıtyp, sáttilik tiledi. «Barshaǵa arnalǵan energııa» dep atalatyn Angola pavılony bizdiń Memleket basshysy Nursultan Nazarbaev usynǵan mańyzdy ári aýqymdy taqyrypty tolyq ashady. Energııa adamzattyń ózekti problemalarynyń biri bolyp qalyp otyr. Ári ol ómirimizdiń kóptegen salalaryna yqpal etedi», dedi mınıstr.
Angola Respýblıkasynyń ekonomıka mınıstri Abraý Pıý Dos Santos Gorjeldiń aıtýynsha, qazirgi zamandy energııasyz elestetýge kelmeıdi. Sondyqtan, Astanada ótip jatqan EKSPO-2017 halyqaralyq kórmesi búkil álem halqyn ǵalamdyq energetıkalyq dıalog alańyna toptastyrady. «Kórmeniń taqyryby óte durys tańdalǵan. Energııa – qatynas quraldary men óndiris oshaqtarynyń qozǵaýshy kúshi. Al ony tabıǵı kózderden óndirý óte mańyzdy. Angola osyndaı halyqaralyq sharaǵa qatysqanyn abyroı dep biledi. Kórme túrli tájirıbeni biriktirip, jahandy jasyl energııamen qamtamasyz etýge úlken úles qosady dep senemin. Qazaq halqynyń qonaqjaılyǵy men ystyq yqylasy úshin alǵys aıtamyn», dedi Abraý Pıý Dos.
Merekelik keshten keıin qonaqtar eki eldiń pavılondaryn aralady. Dáýren Abaev Angola Respýblıkasy ekonomıka mınıstriniń ıyǵyna shapan japty.
EKSPO qalashyǵynda ulttyq kúnin toılaǵan memleket bıligi kedeılikpen kúresip, jasyl energııany damytýdy kózdeýge kóshken. Osylaısha el ekonomıkasynyń damýyn jedeldetpek. Al halyqaralyq shara respýblıkanyń jasyl energııa salasyndaǵy úzdik tájirıbesin kórsetip, ózgemen pikir almasýǵa jáne tyń tehnologııalarmen tanysýyna mol múmkindik berdi.
