Búginginiń Atymtaı jomartymen júzdesý

Alyp shahar Almatynyń túbinde turyp, el kórgen  kógildir otynnyń qyzyǵyn kórmegen birden-bir aımaq – jyr alyby Jambyl atyndaǵy aýdan bolatyn. Aýdan ortalyǵy Uzyn­aǵashqa gaz kelgen qýanyshty ol sátter «kúni keshege» aınaldy. Bul ıgilikti istiń basynda «Táýekel gaz qubyry» kompanııasy turdy. Aýyl jáne aýdan jurtshylyǵyna ǵana emes, kúlli oblys aýmaǵyna aty jaıylǵan sol mekemeniń keńsesinde rýhanı ta­nymdyq kezdesý ótti. Qazaqstan Respýblıkasynyń Prezıdenti Nursultan Nazarbaevtyń  «Egemen Qazaq­stan» gazetinde jarııalanǵan «Bola­shaqqa baǵdar: rýhanı jańǵyrý» maqa­lasynyń aıasynda ótken sharaǵa baıla­nysty ujymǵa esimderi elge tany­mal azamattar at basyn arnaıy buryp keldi. Qazaqtan shyqqan tuń­ǵysh Olımpıada chempıony Jaqsylyq Úshkempirov júzdesýdiń mańyzyn shynaıy tilmen bylaı túsindirdi.
– Elbasy maqalasynda «Prag­matızm – ózińniń ulttyq jáne je­ke baı­ly­ǵyńdy naqty bilý, ony únem­di paıdalanyp, soǵan sáıkes bola­shaǵyńdy josparlap alý, ysy­rap­shyldyq pen astamshyldyqqa, dań­ǵoılyq pen kerdeńdikke jol bermeý  degen sóz» dep atap kórsetti emes pe? «Táýekel gaz qubyry» mekeme­siniń  basshysy Danııar Nur­baevty kópten tanıtyndyqtan da men ony Prezı­dentimiz joǵaryda aıt­qandaı, búgin­gi jańa qoǵamnyń bola­shaqqa nyq senim­men qadam jasa­ǵan azamaty dep bile­min. Bizdiń bul kezdesýimizdiń túp­ki máni de osy­naý atpal azamattyń aby­roıyn as­qaq­­ta­tý, mereıin ósirý. Elimiz­diń eńse­sin kóterýge úles qosqan Danııar Mol­­dııar­ulyn­daı sana­ly azamat­tary­­myz la­ıym kóp bolǵaı, – degen bú­gin­gi belgili kásipker Moldııar Nurbaevty «Qazaqstannyń 100 jańa esimi» qataryna qosýǵa laıyq azamat dep oı túıindedi. Aıtpaqshy, ataq­ty sportshynyń ózi de osy aýdanda aýyl sharýa­shylyǵy salasynda kásip­kerlikpen aınalysady.  
– Jaqsylyq aǵamnyń sózin sabaq­taıyn, – degen jazý-
shy-kásipker, Jam­­­byl aýdanynyń qurmetti azamaty Manar­bek Izbasar bylaı dedi: – Az ǵana ýaqyt ishinde aýdan hal­qyn kó­­gil­dir otynmen qamtamasyz etken Danııar Nurbaevty qazirgi zama­nymyzdyń qaharmany dep aıta­myz. Munyń syrtynda ol aýdan boıyn­sha áleý­mettik qoldaýdy qajet ete­tin 400 otbasyna gaz qubyryn te­gin júrgizip, oshaqtaryna ot berdi. Bu­ǵan qalaı janyń súısinbeıdi? Qos kásip­kerdiń sózin oblystyń qurmetti aza­maty, belgili qalamger Kúmisjan Baı­jan qyzý qostap, Jambyldan bata alǵan jyrshy-termeshi О́mirzaq Qarǵabaevtyń uly О́mirtaı aqyn jyrdan shashý shashty.
О́ner adamdarynyń toqaı­la­syp eli úshin eńbek etken azamatqa erekshe madaq bildirýi tekten tek emes. О́ıtkeni, bıznesmen Danııar Nurbaev aý­dan ómirinde ótip  jatatyn qandaı da bir mádenı-ádebı is-sharalarǵa qatysýdan, oǵan qoldaý kórsetýden esh­ýaqytta tys qalǵan emes. Onyń bir mysaly, kásipker jigit ataqty Súıin­baı aqynnyń kesenesi janynan aqynǵa taǵzym etip kelýshiler úshin aıaq sýytyp, tynystaıtyn jaıly ǵı­marat salyp berdi. Tizbelese Uzynaǵashtyń búgingi Atymtaı jomartynyń aýyz toltyryp aıtatyndaı atqarǵan ıgi isteri shash etekten ekeni baıqalady. О́z kezeginde sóz alǵan «Táýekel gaz qubyry» JShS  basshysy Danııar Nurbaev ujymynyń atynan el aǵalaryna – mekemeniń búgingi qurmetti qonaqtaryna iltıpaty úshin alǵys aıtty. Halyq úshin, eldiń bo­la­shaǵy úshin ulttyq murattar men Qazaq­standy barlyq salada alǵa jyl­jytýǵa shamshyraq bolatyn basty baǵdarǵa saı bolashaqta da eńbekterin ese­leı beretindikterine sendirdi. 
Basty baǵdarlamada atap kórse­tilgendeı qoǵamdyq sanany tek saıa­sı jáne eko­no­mıkalyq turǵy­dan ǵa­na emes, rýhanı jaǵynan da jańǵy­rý qajet ekeni osynaý jyly júz­desýde erekshe kórinis tapty.

Talǵat SÚIINBAI,
«Egemen Qazaqstan»

ALMATY

Sýretti túsirgen Nurmanbet QIZATULY